Rheolwr Prosiect

**Am Y Gwasanaeth**
Mae Bwrdd Partneriaeth Rhanbarthol Caerdydd a'r Fro yn dwyn ynghyd ystod o bartneriaid strategol o'r sector statudol, y trydydd sector a’r sector annibynnol. Mae hwn yn gyfle cyffrous i helpu i drawsnewid gwasanaethau iechyd a gofal cymdeithasol yng Nghaerdydd a Bro Morgannwg drwy oruchwylio dyluniad a darpariaeth rhaglen gyfalaf ar y cyd ar gyfer y Rhanbarth.

Mae’r agenda uchelgeisiol hon yn cael cymorth gan Gronfa Gyfalaf Integreiddio ac Ailgydbwyso Iechyd a Gofal Cymdeithasol Llywodraeth Cymru a'r Cyllid Tai â Gofal.

Fel Bwrdd Partneriaeth Rhanbarthol, rydym yn datblygu Tîm Cydweithredu Prifddinas-Ranbarthol i'n cefnogi i gyflawni'r agenda hon a gweithredu ein strategaeth gyfalaf integredig 10 mlynedd.

Bydd y tîm yn cael ei gynnal gan Gyngor Caerdydd ar ran y partneriaid rhanbarthol. Bydd yn cael ei arwain gan Reolwr Rhaglen a'i gefnogi gan Reolwr Prosiect a Swyddog Cymorth Prosiectau. Bydd y tîm yn darparu cymorth strategol a gweithredol i bartneriaid o bob rhan o’u sefydliadau i ddarparu ystod eang o gynlluniau a phrosiectau cyfalaf. Bydd y swyddfa hefyd yn gyswllt â thîm cyfalaf Llywodraeth Cymru ac yn gweithio fel rhan o'n tîm BPRh ehangach yng Nghaerdydd a Bro Morgannwg.

Os oes gennych chi brofiad o ddatblygu Cynlluniau Cyfalaf, Rhaglen neu Reoli Prosiectau, efallai mai dyma'r cyfle i chi.
**Am Y Swydd**
Bydd deiliad llwyddiannus y swydd yn chwarae rhan allweddol mewn cynllunio, dylunio a monitro'r prosiectau cyfalaf trawsbynciol ar gyfer yr ystod o ffrydiau ariannu sy’n cefnogi gwaith y BPRh. Bydd deiliad y swydd yn chwarae rôl hanfodol wrth gefnogi rheolwr y rhaglen wrth ddylunio a chyflwyno'r rhaglen gyfalaf gyffredinol.

Byddwch chi’n gweithio ochr yn ochr â thimau o fewn Bwrdd Iechyd Prifysgol Caerdydd a'r Fro, awdurdodau lleol, y trydydd sector a chymdeithasau tai i ddeall anghenion cyfalaf ac atebion dylunio presennol ac yn y dyfodol yn llawn.

Bydd deiliad y swydd yn cael ei gynnal gan Gyngor Caerdydd a bydd yn gweithio ochr yn ochr â thîm medrus, gwybodus ac uchel ei barch o reolwyr rhaglenni a phrosiectau
**Beth Rydym Ei Eisiau Gennych**
Bydd gan ddeiliad y swydd brofiad a gwybodaeth sylweddol o reoli a gweithredu rhaglenni a phrosiectau cyfalaf traws-sefydliadol. Mae dealltwriaeth o’r elfennau sy’n rhan o brosiectau cyfalaf a phrofiad o reoli rhaglenni cyfalaf yn hanfodol.

Bydd gan yr ymgeisydd llwyddiannus sgiliau rhyngbersonol a chyfathrebu rhagorol, gyda hanes cryf o weithio gyda rhanddeiliaid ar draws ystod o sefydliadau. Bydd ganddo neu ganddi hanes amlwg o weithio mewn amgylchedd ymgynghorol a diddorol, gyda'r gallu i ddylanwadu, trafod a gweithio ar draws timau â disgyblaethau gwahanol, gan gynnwys gwasanaethau cymdeithasol, iechyd, tai ac adfywio.
**Gwybodaeth Ychwanegol**

Mae’r swydd hon yn addas i'w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg. =

Bydd y broses gyfweld ar gyfer y rôl hon yn cael ei chynnal wyneb yn wyneb neu fel arall ar sail rithwir gan ddefnyddio platfform ar-lein priodol. Bydd y rheolwr llogi yn cynghori ar fformat y cyfweliad fel rhan o'r broses recriwtio. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, neu os hoffech gael sgwrs anffurfiol am y rôl hon cyn gwneud cais, cysylltwch â_ _._

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO03367