Rheolwr Llogi Corfforaethol Grŵp

Eich gwaithByddwch yn chwarae rôl allweddol yn nhîm rheoli canolog busnes Mentrau Amgueddfeydd ac Orielau Cenedlaethol Cymru Cyf., gan arwain ar orchwyl eang o logi masnachol ar draws 7 safle Amgueddfa Cymru, sy'n cynnwys ond nid yw'n gyfyngedig i holl logi cyfleusterau ac arlwyo cysylltiedig, ffilmio masnachol a mentrau masnachol. Byddwch yn dylunio a chyflawni strategaeth llogi masnachol y sefydliad, gyda phwyslais ar ddull rhagweithiol o ddenu busnes newydd a sicrhau y caiff canlyniadau proffidiol eu cynhyrchu. Byddwch hefyd yn arwain ar reoli projectau a threialu mentrau newydd, rhai fydd yn cael eu dirprwyo i chi, ac eraill y byddwch yn eu creu eich hun. Eich nod
- Cynyddu proffidioldeb y busnes llogi masnachol drwy ddefnyddio dull strategol o gynllunio a strategaeth werthu broffidiol - Rhwydwaith eang o randdeiliaid perthnasol fydd yn cyfrannu at dwf ariannol, ond sydd hefyd yn alinio â gwerthoedd brand Amgueddfa Cymru ac uchelgeisiau ein Strategaeth 2030 - Gan weithio gyda thîm Rheoli Mentrau, byddwch yn llywio a chyflawni strategaeth llogi masnachol sy'n alinio â gweledigaeth a gwerthoedd Amgueddfa Cymru, ac sydd wedi'i hymgorffori yng ngwaith yr adran er mwyn gwella enw da Amgueddfa Cymru. Sut i gyrraedd y nod... - Cynllunio, cyllidebu a datblygu sawl model busnes llogi masnachol llwyddiannus - Datblygu perthynas ar draws Amgueddfa Cymru a'r sector ehangach, gan oruchwylio’r gwaith o reoli cyfrifon cleientiaid a chyflenwyr yn rhagorol - Arwain ar gyflawni digwyddiadau llogi masnachol sy'n gwella enw da'r sefydliad - Creu systemau a dulliau a'u rhoi ar waith i wella rheolaeth a throi ymholiadau gwerthu yn ddigwyddiadau llogi proffidiol - Hyrwyddo neges codi arian gref i gleientiaid llogi masnachol, ac ystyried y statws hwn ym mhob agwedd o gynllunio a chynnal llogi masnachol - Datblygu pecynnau llogi masnachol atyniadol, cystadleuol a phroffidiol er mwyn cynhyrchu rhagor o incwm - Cynyddu'r defnydd o dechnoleg gan gynnwys system CRM, systemau archebu, EPOS a systemau TG perthnasol eraill - Datblygu tîm llogi masnachol sy'n canolbwyntio ar werthu, gan gynyddu arbenigedd ar draws y tîm drwy hyfforddiant a chefnogaeth parhaus - Bod yn gyfrifol am gyflawni holl weithgarwch llogi masnachol a phrojectau ffilmio, gan gynnwys cynyddu cyfleoedd am fentrau masnachol - Adolygu a rheoli cytundebau llogi ar gyfer gofodau manwerthu yn Amgueddfa Genedlaethol y Glannau, Abertawe - Adolygu a rheoli systemau'r meysydd parcio i gynyddu refeniw - Datblygu ffrydiau incwm newydd ar gyfer asedau cyfredol - Archwilio a thyfu'r portffolio trwyddedu delweddau ac adnabod cyfleoedd ar gyfer trwyddedu ehangach o fewn yr amgueddfeydd - Sicrhau bod gennych ddealltwriaeth gyfredol o dueddiadau’r farchnad, ac yn eu cydnabod yn eich gwaith strategol a sefydliadol - Datblygu cynlluniau ym mhob amgueddfa sy'n alinio â'r strategaeth profiad ymwelwyr a'n rhaglenni arddangosfeydd a digwyddiadau cyhoeddus - Gweithio gyda'r adran Cyfathrebu a Marchnata i gynnal ymgyrchoedd marchnata ac ymgysylltiad llwyddiannus ar ein platfformau digidol er mwyn tyfu ein brand - Dilyn protocolau iechyd a diogelwch perthnasol, a'u rhoi ar waith - Rheolir y swydd hon gan y Dirprwy Bennaeth Mentrau ac mae wedi’i lleoli yn Amgueddfa Genedlaethol Caerdydd - Unrhyw ddyletswyddau eraill i gefnogi'r adran. Sut i gefnogi amcanion corfforaethol Amgueddfa Cymru... 1. Ymroi yn llawn i gefnogi egwyddorion cyfle cyfartal fel yr amlinellir ym Mholisi Cydraddoldeb ac Amrywiaeth y sefydliad a’u gweithredu. 2. Cefnogi gwaith yr adran o gydymffurfio â pholisïau Amgueddfa Cymru ar Gynaliadwyedd a’r iaith Gymraeg. 3. Cymryd gofal rhesymol o’ch iechyd a’ch diogelwch eich hun ac eraill y gallai eich gweithredoedd, neu eich diffyg gweithredu, effeithio arnynt, a chydymffurfio â’r holl ddeddfwriaeth iechyd a diogelwch fel sy’n briodol. 4. Yn rhan o delerau’ch cyflogaeth, mae’n bosibl y gofynnir i chi ymgymryd â dyletswyddau eraill a/neu weithio oriau eraill fel sy’n rhesymol, yn unol â’ch gradd neu’ch lefel cyfrifoldeb cyffredinol o fewn y sefydliad. Rydyn ni'n chwilio am berson... - All ysbrydoli timau i gyrraedd canlyniadau gwych drwy weithgarwch masnachol er budd Amgueddfa Cymru - Fydd yn herio'r status quo ac yn eiriol dros newid - Sy'n cyrraedd y nod ac yn gallu datrys problemau - Sydd â sgiliau rhyngbersonol rhagorol a’r gallu i arwain yn effeithiol ac yn hyderus ar bob lefel - Sy'n meddwl yn greadigol, ac yn gallu gweithio yn annibynnol ac fel rhan o dîm creadigol - Sy'n gweithio'n hyblyg, gan gynnwys nosweithiau, penwythnosau a gwyliau banc mewn sawl safle ledled Cymru, pan fo angen Y wybodaeth a’r cymwysterau angenrheidiol
- Pen busnes da a phrofadwy - Gwybodaeth drylwyr o logi masnachol mewn amgylchedd diwylliannol/treftadaeth - Dealltwriaeth ddofn o weithredu'n fasnachol a sut i dyfu busnes trwy berthynas datblygol a strategaeth gyffredinol sy'n cyfrannu at gynyddu incwm ac elw - Dealltwriaeth o botensial safleoedd a chasgl