Hyfforddai Corfforaethol Cyngor Caerdydd

**Am Y Gwasanaeth**
Byddwch yn ennill £21,029 y flwyddyn gan weithio'n llawn amser (37 awr), neu £10.90 yr awr pro-rata, gan ein bod yn Gyflogwr Cyflog Byw Gwirfoddol.** Bydd yr ychwanegiad yn cael ei adolygu bob mis Ebrill. Mae Cyngor Caerdydd yn cadw’r hawl i wneud unrhyw newidiadau i, neu ddileu, yr ychwanegiad Cyflog Byw.***

Mae Cyngor Caerdydd yn darparu dros 700 o wahanol wasanaethau i'n dinasyddion, ymwelwyr a busnesau ledled y Ddinas. Fel sefydliad llywodraeth leol, mae ein cwsmeriaid yn dibynnu arnom i ddarparu ein gwasanaethau hanfodol bob dydd a, ph'un a yw ein gweithwyr wedi’u cyflogi mewn rôl sy'n delio â chwsmeriaid, rôl dechnegol, masnachol neu gymorth, maen nhw’n ein helpu i wneud gwahaniaeth i'r cymunedau rydym yn eu gwasanaethu ledled Caerdydd.

Mae ein Tîm Llinell Gynghori yn awyddus i gyflogi **Hyfforddai Corfforaethol** wedi'i leoli yn Neuadd y Sir, Glanfa'r Iwerydd, CF10 4UW i gyfrannu at ein Gwasanaeth gan ein helpu i ddarparu'r gwasanaeth ffôn i ddinasyddion Caerdydd. Mae'r Llinell Gynghori yn bwynt cyswllt cyntaf i drigolion Caerdydd ar gyfer y rhan fwyaf o wasanaethau'r Cyngor megis: cyngor ariannol, ymholiadau'r cyngor, cyngor ar dai, addysg oedolion, prydau ysgol am ddim, i mewn i waith, gwasanaethau maethu, taliadau cymorth hunan-ynysu, cynlluniau a grantiau Llywodraeth Cymru a llawer mwy. Mae'r gwasanaeth yn brysur iawn ac yn gweithredu’n gyflym gyda thua 5,000 o alwadau y mis.

Gallai'r rôl hon gynnwys gweithio gartref a darperir offer os bydd angen gwneud hynny.

**Am Y Swydd**
Yn y rôl **Hyfforddai Corfforaethol** hon byddwch yn cefnogi ein gwasanaeth a byddwch yn dysgu sut i:
weithio’n rhan o dîm i ddarparu gwasanaeth o’r safon orau. Byddwch yn datblygu sgiliau cwsmeriaid rhagorol, sgiliau gweinyddu busnes cyffredinol, er enghraifft defnyddio Word ac Excel, ateb y ffôn, defnyddio TG bob dydd a helpu cwsmeriaid dros y ffôn gyda’u hymholiadau a datblygu sgiliau gwasanaeth cwsmeriaid a gweinyddu busnes mewn swyddfa brysur sy’n canolbwyntio ar y cwsmer. Byddwch hefyd yn cefnogi cwsmeriaid dros y ffôn i hawlio budd-dal lles ar-lein a chefnogi cwsmeriaid i hunan-wasanaethu’n ddigidol lle y bo’n bosibl.

Caiff hyfforddiant llawn ei roi gan ein tîm a fydd yn eich helpu a'ch annog i ddatblygu yn y rôl a byddwch yn cael eich annog i gyflawni amrywiaeth o ddyletswyddau. Cewch eich goruchwylio a’ch hyfforddi yn y swydd a bydd gennych fentor penodol i'ch cefnogi i ddarparu gwasanaeth effeithlon ac effeithiol gan ddefnyddio dull cadarnhaol sy’n canolbwyntio ar y cwsmer.

Mae'r Cynllun Prentisiaethau a Hyfforddeion Corfforaethol hefyd yn cynnig cyfleoedd i wella eich sgiliau trosglwyddadwy i’ch helpu i ddatblygu yn eich gyrfa.

Mae llawer o'n timau wedi symud i weithio ar-lein a gweithio gartref, a byddwch yn cael eich annog i ddatblygu'r sgiliau er mwyn cefnogi hyn. Pan fo angen gweithio gartref, bydd yr offer angenrheidiol yn cael ei roi i chi. Fodd bynnag, bydd angen i chi drefnu eich cysylltedd rhyngrwyd eich hun (efallai y bydd rhywfaint o gymorth ar gael i helpu gyda hyn).

Mae’r Llinell Gynghori ar agor o 9am i 6pm o ddydd Llun i ddydd Mercher a dydd Gwener, 10am i 7pm ar ddydd Iau a 9am i 5.30pm ar ddydd Sadwrn. Bydd gofyn i chi weithio yn ôl rota a bydd hyn yn cynnwys rhywfaint o waith gyda’r nos ac ar y penwythnos.

**Beth Rydym Ei Eisiau Gennych**
Mae ein cwsmeriaid yn dibynnu arnom i barhau i ddarparu gwasanaethau hyd yn oed yn ystod y cyfnodau mwyaf heriol. Rydym yn chwilio am unigolion sydd â diddordeb yn ein gwaith ac sy’n awyddus i ddysgu yn y rôl ac i’n helpu i wneud gwahaniaeth i'n cwsmeriaid trwy ddarparu gwasanaethau cyhoeddus rhagorol yng Nghaerdydd.

Mae ein **Hyfforddeion** Corfforaethol yn ennill profiad gwerthfawr wrth weithio i'r Cyngor mwyaf yng Nghymru. Er na allwn warantu y bydd yr ymgeisydd a benodir yn mynd ymlaen i sicrhau rôl arall ar ddiwedd y contract cychwynnol hwn, caiff ei gefnogi a'i annog i achub ar y cyfleoedd niferus sydd ar gael yn ein sefydliad er mwyn datblygu ei yrfa.

**Gwybodaeth Ychwanegol**
Os oes gennych unrhyw gwestiynau am y rôl ar ôl darllen y disgrifiad swydd, cysylltwch ag Elisha Nicholls 02920871071

Bydd y broses gyfweld ar gyfer y rôl hon yn cael ei chynnal wyneb yn wyneb neu fel arall ar sail rithwir gan ddefnyddio platfform ar-lein priodol. Bydd y rheolwr llogi yn cynghori ar fformat y cyfweliad fel rhan o'r broses recriwtio. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, neu os hoffech gael sgwrs anffurfiol am y rôl hon cyn gwneud cais, cysylltwch â_ _._

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-drose