Uwch Swyddog Preifatrwydd a Sicrwydd

**Am Y Gwasanaeth**
Mae cyfle cyffrous wedi codi yn Nhîm Llywodraethu Gwybodaeth y Cyngor i helpu i gyflawni arferion Llywodraethu Gwybodaeth y Cyngor a’i helpu i ddatblygu yn barod ar gyfer cam nesaf ein hymateb i ddarparu gwasanaethau i’r dinasyddion yr ydym yma i’w helpu.

Dewch i ymuno â thîm sy’n tyfu a datblygu drwy weithio ochr yn ochr â swyddogion Llywodraethu Gwybodaeth y Cyngor i sicrhau bod prosesau’r Cyngor a gwasanaethau dan gontract gan gynnwys rhai ysgolion, yn cydymffurfio â gofynion y Ddeddf Diogelu Data.

Bydd y swydd hon yn rhoi’r cyfle i’r ymgeisydd llwyddiannus ddatblygu amrywiaeth eang o sgiliau a phrofiad yn y gweithle, yn ogystal â meithrin gwybodaeth a dealltwriaeth o’r gwaith a’r cyfrifoldebau sy’n rhan o weithio mewn Llywodraeth Leol yng Nghaerdydd.
**Am Y Swydd**
Mae tîm Llywodraethu Gwybodaeth y Cyngor yn cynnig gwasanaeth mynediad i wybodaeth ynghyd â gwasanaeth Rheoli Cofnodion a Diogelu Data i holl wasanaethau a dinasyddion y Cyngor a hefyd gwasanaethau dan gontract i holl Ysgolion Caerdydd yn ogystal â gwasanaethau cenedlaethol gan gynnwys Cymdeithas Llywodraeth Leol Cymru a Data Cymru.

Byddwch yn gyfrifol am y canlynol:

- Nodi a gwerthuso risgiau diogelu data a phreifatrwydd drwy Asesiadau o’r Effaith Diogelu Data a chefnogi gwasanaethau i weithredu prosesau a systemau newydd mewn modd cydymffurfiol
- Cynnal ymchwiliadau ar ran Rheolwr Llywodraethu Gwybodaeth a Swyddog Diogelu Data’r Cyngor, cysylltu â swyddogion gwasanaeth, dinasyddion a thrydydd partïon i sicrhau bod digwyddiadau diogelu data’n cael eu cynnal yn drwyadl a chymryd camau gweithredu penodol
- Dadansoddi data a gesglir drwy archwiliadau sicrwydd a chyflwyno gwybodaeth allweddol i uwch swyddogion o fewn y gwasanaeth
- Ymgymryd â rôl 'Hwylusydd Teledu Cylch Cyfyng' a darparu cymorth i ddatblygiadau teledu cylch cyfyng ar draws y Cyngor, cefnogi swyddogion y Cyngor a sicrhau bod modelau a rhaglenni gweithredu'r Cyngor yn cael eu cynorthwyo.

**Beth Rydym Ei Eisiau Gennych**
Bydd yr ymgeisydd llwyddiannus yn gweithio’n rhan o dîm i gynnig gwasanaeth o’r safon orau.

Bydd angen i chi allu dadansoddi data a chydymdeimlo ag amgylchiadau cwsmeriaid a rhoi cyngor manwl gywir ac ystyrlon i gwsmeriaid, uwch swyddogion y cyngor ac aelodau eraill o’r tîm.

**Gwybodaeth Ychwanegol**
Rhaid i ymgeiswyr mewnol sy'n dymuno gwneud cais am y swydd hon ar sail secondiad gael cymeradwyaeth cyn gwneud cais gan ddefnyddio Ffurflen SEC1 (4.C.081). Dim ond y Cyfarwyddwr/ Cyfarwyddwr Cynorthwyol/ Prif Swyddog neu'r uwch swyddog enwebedig ar radd swydd heb fod yn is na RhG2 neu yn achos staff mewn ysgolion y Pennaeth / Corff Llywodraethu, gall gymeradwyo ceisiadau.

Mae’r swydd hon yn addas i'w rhannu.

Croesewir ceisiadau yn Gymraeg ac yn Saesneg. Ni fydd ceisiadau a dderbynnir yn Gymraeg yn cael eu trin yn llai ffafriol na cheisiadau Saesneg.

Os hoffech drafod unrhyw agwedd ar y swydd, cysylltwch â:
Bydd y broses gyfweld ar gyfer y rôl hon yn cael ei chynnal wyneb yn wyneb neu fel arall ar sail rithwir gan ddefnyddio platfform ar-lein priodol. Bydd y rheolwr llogi yn cynghori ar fformat y cyfweliad fel rhan o'r broses recriwtio. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, neu os hoffech gael sgwrs anffurfiol am y rôl hon cyn gwneud cais, cysylltwch â_._

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: RES01240