Uwch Gynorthwy-ydd Adennill Dyledion

**Am Y Gwasanaeth**
Mae swydd Uwch Gynorthwy-ydd Adennill Dros Dro wedi dod ar gael yn Adran Adennill y Gwasanaethau Refeniw hyd at y 1af o Hydref 2025. Mae deiliad y swydd hon yn gyfrifol am adennill y Dreth Gyngor, Ardrethi Busnes, Dirwyon Parcio, Throseddau Traffig sy’n Symud a Mân ddyled sydd heb eu talu. Mae'r adran yn brysur, ac mae’r llwyth gwaith yn uchel.

Bydd cyfle i ymwneud â gwaith yr Adain Adennill Incwm sy'n codi anfonebau i ddefnyddwyr gwasanaeth i'w talu am wasanaethau amrywiol y Cyngor.
**Am Y Swydd**
Bydd yr ymgeisydd llwyddiannus yn ymuno ag Adran brysur fawr. Gan weithio i derfynau amser tynn, bydd y dyletswyddau'n eang ac yn amrywiol a byddant yn cynnwys cyfrifoldebau goruchwylio, dirprwyo ar gyfer Swyddogion Adennill Dyledion absennol, dyrannu gwaith i Gynorthwywyr Adennill Incwm a'r Tîm Adennill Incwm a monitro terfynau amser ac allbwn at ddibenion ansawdd a hyfforddiant. Bydd yr ymgeisydd llwyddiannus hefyd yn cymryd rhan yn y gwaith o hyfforddi aelodau newydd ac aelodau presennol y Timau. Nid yw hon yn rhestr gynhwysfawr o ddyletswyddau.

Mae cyswllt ffôn dyddiol â chwsmeriaid yn rhan hanfodol o'r rôl, felly mae'n rhaid meddu ar sgiliau cyfathrebu llafar a sgiliau negodi da.

Yn ogystal, bydd yr ymgeisydd llwyddiannus hefyd yn cymryd rhan yn nyletswyddau dyddiol y Tîm Adennill Incwm. Ymhlith y dyletswyddau dyddiol hyn mae cysylltu ag Gwasanaethau i ddatrys ymholiadau anfonebau, echdynnu data o SAP mewn perthynas ag anfonebau hwyr a darparu adroddiadau i Wasanaethau mewn perthynas ag anfonebau sydd heb eu talu. Mae mynychu cyfarfodydd â Gwasanaethau i drafod anfonebau sydd heb eu hateb hefyd yn un o ofynion y rôl.
**Beth Rydym Ei Eisiau Gennych**
Byddwch yn unigolyn hynod frwdfrydig â chymwysterau TGAU mewn pum pwnc neu fwy. Dylai fod gennych sgiliau cyfathrebu a negodi rhagorol a phrofiad o weithio mewn amgylchedd adennill dyledion. Mae’r gallu i weithio dan bwysau ac i fodloni terfynau amser yn hanfodol. At hynny, gan y bydd rhaid monitro a chadw cofnodion, mae sgiliau TG da yn hanfodol.

Bydd y swydd yn cynnwys siarad â’r cyhoedd dros y ffôn bob dydd a byddwch hefyd yn cynnig arweiniad a chyngor ar achosion cymhleth i Gynorthwywyr Adennill Dyledion a'r Tîm Adennill Incwm. Felly, mae'n hanfodol eich bod yn gallu dangos sgiliau cyfathrebu hyderus a phendant ac yn gallu datrys problemau.

Dylai fod gennych brofiad o weithio mewn amgylchedd swyddfa prysur a dylech allu gweithio fel rhan o dîm.Dylech ddangos dull hyblyg o weithio gan fod y dyletswyddau'n niferus ac yn amrywiol, mae llawer o waith i’w wneud a gall gwaith blaenoriaeth newid ar fyr rybudd felly mae gallu i addasu i newid yn hanfodol.

I gyflawni’r rôl hon, bydd gofyn i chi ddangos bod gennych:

- Sgiliau rhifedd rhagorol
- Sgiliau negodi datblygedig
- Gallu datrys problemau
- Gallu paratoi gwaith cywir
- Manwl gywirdeb.
- Sgiliau cyfathrebu clir yn ysgrifenedig ac ar lafar
- Sgiliau bysellfwrdd amlwg
- Sgiliau gofal cwsmeriaid rhagorol
- Sgiliau trefnu da.
- Mae dull hyblyg o weithio a hyblygrwydd o ran lleoliad gwaith yn hanfodol, gan y bydd disgwyl mynd i’r swyddfa sawl diwrnod bob wythnos - ar fyr rybudd ar adegau.

Mae hyn yn hanfodol oherwydd yr amrywiaeth o dasgau a nifer y terfynau amser a thargedau y mae'n rhaid eu cynnal.

Gan fod y rôl yn cynnwys cefnogi tîm o Gynorthwywyr Adennill a'r Tîm Adennill Incwm, bydd argaeledd a pharodrwydd i fynychu'r swyddfa sawl gwaith yr wythnos, bob wythnos yn hanfodol i gynnig cymorth a hyfforddiant i'r Timau. Felly, mae hyblygrwydd yn ofyniad pwysig i'r rôl.

**Gwybodaeth Ychwanegol**
Swydd dros dro yw hon tan 01/10/2025.

Rhaid i ymgeiswyr mewnol sy'n dymuno gwneud cais am y swydd hon ar secondiad gael cymeradwyaeth cyn gwneud cais gan ddefnyddio Ffurflen SEC1 (4.C.081). Dim ond y Cyfarwyddwr/Cyfarwyddwr Cynorthwyol/Prif Swyddog perthnasol neu uwch swyddog enwebedig ar raddfa heb fod yn is na OM2 neu’r Pennaeth / Corff Llywodraethu yn achos staff mewn ysgolion all gymeradwyo ceisiadau.

Cynigir y swydd hon ar sail gweithio hybrid pan fydd deiliad y swydd wedi’i hyfforddi’n llawn - fodd bynnag, dylid nodi y bydd angen mynd i’r swyddfa sawl diwrnod **bob**wythnos i gefnogi'r Gwasanaeth, y Swyddogion Adennill Dyledion, y Cynorthwywyr Adennill Dyledion, a'r Tîm Adennill Incwm.

Mae’r swydd wag hon yn addas i'w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

I gael sgwrs anffurfiol, ar ôl darllen y Disgrifiad Swydd / Manyleb Person, cysylltwch â Joe Norman / Emma O’Hanlon / Sonia Marshall / Fiona Williams ar (029) 20871280.

Rydym yn deall y gallech ddefnyddio AI ac adnoddau eraill ar gyfer eich cais: fodd bynnag sicrhewch fod yr holl wybodaeth a roddwch yn ffeithiol gywir, yn gywir, yn wreiddiol ac nad yw'n cynnwys syniadau neu waith nad yw'n eiddo i chi.

Bydd y broses gyfweld ar gyfer y rôl hon yn cael ei chynnal wyneb yn wyneb neu fel arall ar sail rithwir gan ddefnyddio platfform ar-lein priodo