Rheolwr Gweithredol

**Am Y Gwasanaeth**
Mae hwn yn gyfnod cyffrous i ymuno â thîm Datblygu Cyngor Caerdydd. Rydym yn ymateb yn uniongyrchol i angen tai Caerdydd drwy weithredu rhaglen adeiladu newydd fawr lwyddiannus sydd â’r gallu i ddarparu 4,000 o gartrefi newydd a buddsoddi'n sylweddol yn ein cymunedau presennol. Mae gennym Gyllideb Cyfalaf gwerth dros £950 miliwn a llif prosiectau datblygu o dros 60 o safleoedd. Rydym yn darparu cartrefi cyngor newydd, cartrefi i'w gwerthu a phrosiectau gan gynnwys cyfleusterau defnydd cymysg a chyfleusterau cymunedol.

Gan ddefnyddio atebion arloesol a symud tuag at safon carbon isel rydym yn darparu cartrefi newydd ar raddfa fawr ac yn gyflym ac mae angen y bobl iawn arnom, sydd â phrofiad datblygu, i ymuno â'n tîm i gyflawni ein dyheadau. Rydym yn frwd dros adeiladu cartrefi gwych a buddsoddi yn ein cymunedau, a sicrhau bod seilwaith gwyrdd, dylunio trefol a chreu lleoedd o safon uchel wrth wraidd yr hyn a wnawn.

Yn sgil ymddeoliad, mae gennym gyfle ar gyfer uwch arweinydd datblygu profiadol a llawn cymhelliant i ymuno â'r tîm i reoli ein ail Raglen Partneriaeth Tai - rhaglen gyflenwi arloesol o dros 18 o safleoedd, sy'n gallu darparu tua 2,000 o gartrefi newydd.
**Am Y Swydd**
Bydd yr ymgeisydd llwyddiannus yn ategu ein tîm Datblygu presennol ac yn darparu’r adnoddau a'r arbenigedd ychwanegol sydd eu hangen arnon ni i sicrhau bod y rhaglen yn parhau i gyflawni ar raddfa ac yn gyflym.

***

Fel Rheolwr Gweithredol byddwch yn arwain tîm ymroddedig i gyflawni ein Ail Raglen Partneriaeth Tai. Byddwch yn rhan annatod o'n Huwch Dîm Rheoli, gan helpu i lunio ein rhaglen ddatblygu a sicrhau ein bod yn parhau i ddarparu cartrefi o ansawdd uchel, yn cael effaith gadarnhaol yn ein cymunedau ac yn gadael gwaddol parhaol.

Byddwch yn goruchwylio'r gwaith o gyflawni pob prosiect strategol ar bob cam o'r broses - o ddatblygu dyluniadau, uwch-gynllunio i ddatblygu'r opsiwn a ffefrir hyd at gyflwyno ceisiadau cynllunio a grant, a chyflawni ar y safle.
**Beth Rydym Ei Eisiau Gennych**
Bydd gan yr ymgeisydd llwyddiannus brofiad o ddatblygu tai cymdeithasol a rheoli swyddogion datblygu, gan gynnwys mentora.

Bydd gennych hanes profedig o gyflawni cynlluniau adeiladu newydd yn llwyddiannus o fewn hyfywedd cadarn a pharamedrau rhaglennu. Mae'n rhaid cael gwybodaeth weithiol fanwl am ofynion tai cymdeithasol yng Nghymru, prosesau ymgeisio'r Grant Tai Cymdeithasol a rheoli contractau adeiladu.

Bydd gennych sgiliau cyfathrebu rhagorol a byddwch yn effeithiol wrth weithio ar y cyd â rhanddeiliaid allweddol a sefydliadau partner, gan ddatblygu perthnasoedd gwaith cryf ac effeithiol.

Byddwch yn rhannu ein hangerdd a'n brwdfrydedd dros gyflawni prosiectau arloesol a chyffrous, creu cartrefi sy'n gwneud gwahaniaeth gwirioneddol i'n trigolion a gosod safonau newydd ar gyfer cynaliadwyedd, creu lleoedd a dylunio trefol.

Rhaid i chi fodloni'r fanyleb person er mwyn darparu’r sgiliau sydd eu hangen arnom i gyflawni prosiectau tai newydd yn unol â'n rhaglen arfaethedig, gan sicrhau bod manylebau'n cael eu bodloni, bod safonau ansawdd yn cael eu dilyn a bod y contractau'n cael eu gweithredu'n llwyddiannus i gwblhau a throsglwyddo prosiectau.

**Gwybodaeth Ychwanegol**
Os hoffech gael sgwrs anffurfiol am y swydd ar ôl darllen y Disgrifiad Swydd, cysylltwch â David Jaques, Cyfarwyddwr Cynorthwyol drwy ffonio 07779 314071.

Mae’r swydd hon yn addas i'w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Bydd y broses gyfweld ar gyfer y rôl hon yn cael ei chynnal wyneb yn wyneb neu fel arall ar sail rithwir gan ddefnyddio platfform ar-lein priodol. Bydd y rheolwr llogi yn cynghori ar fformat y cyfweliad fel rhan o'r broses recriwtio. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, neu os hoffech gael sgwrs anffurfiol am y rôl hon cyn gwneud cais, cysylltwch â_ _._

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO04153