Swyddog Gofal Plant Preswyl

**Am Y Gwasanaeth**
Cyfle cyffrous i weithio gyda Phlant a Phobl Ifanc mewn Cartref Plant yng Nghaerdydd fel isod:
Cartref Plant Tŷ Storrie - Gwasanaeth seibiannau byr/preswyl i blant 6-17 oed.

Mae’r Cartref Plant yng Nghaerdydd.

Rhoi gofal o ansawdd uchel i blant a phobl ifanc.

Gweithio mewn ffordd sy'n seiliedig ar drawma.

Fframwaith Arwyddion Diogelwch wedi'i ymwreiddio mewn gwasanaethau.

Cydnabod a hyrwyddo unigoliaeth, unigrywiaeth ac anghenion amrywiol pobl ifanc.

Gweithio gyda'r bobl ifanc i gryfhau perthnasau cadarnhaol.

Cynnig amgylchedd diogel, meithringar a chadarnhaol.
**Am Y Swydd**
Gweithio o fewn tîm sy'n cefnogi plant a phobl ifanc i gyflawni canlyniadau cadarnhaol, i feithrin perthnasau priodol ac i gael hwyl.

Gweithio yn unol â Datganiad o Ddiben y Cartref; cymryd cyfrifoldeb am redeg y gwasanaeth yn ddidrafferth ac yn ddiogel, gan sicrhau bod pobl ifanc yn cael gwasanaeth sensitif sy'n bodloni eu hanghenion.

Cymryd cyfrifoldebau gweithiwr allweddol drwy weithredu, monitro a chofnodi cynlluniau personol unigol.

Cyfrannu at ddarnau o waith rheolaidd, cynlluniedig a phenodol i fodloni anghenion a nodwyd ar gyfer person ifanc.

Mynd â phlant a phobl ifanc allan ar weithgareddau a/neu ymweld â ffrindiau a theulu.

Cefnogi plant a phobl ifanc gyda'u haddysg a'u hiechyd.

Hyrwyddo a chefnogi sgiliau bywyd personol plant a phobl ifanc.

Gweithio mewn partneriaeth â phobl ifanc, teuluoedd, gweithwyr proffesiynol ac eraill i hyrwyddo perthnasau cadarnhaol a gweithio fel tîm o amgylch y plentyn.
**Beth Rydym Ei Eisiau Gennych**
Brwdfrydedd, llythrennedd emosiynol, gwydnwch a chymhelliant uchel, yn gallu dangos agwedd 'gallu gwneud' ac yn barod i fynd yr ail filltir.

Yn barod i ddysgu ac i rannu profiadau, sgiliau a gwybodaeth.

Ymrwymiad i ddatblygiad personol a phroffesiynol.

Bydd gennych wybodaeth am anghenion sylfaenol person ifanc a'i hawliau a dealltwriaeth ohonynt.

Gallu cyfathrebu a gweithio yn unigol ac mewn tîm.

Byddwch yn gorfforol heini a gwydn.

Rhoi'r plant a'r bobl ifanc wrth wraidd y rôl.

Gweithio shifftiau (gan gynnwys cysgu dros nos) o fewn patrwm rota 365 diwrnod o'r flwyddyn.

**YR HYN Y GALLWN EI GYNNIG I CHI**
Swydd mewn Cartref Plant sefydledig yn gweithio i Gyngor Caerdydd.

Yn ogystal â'r cyflog blynyddol, cynigir tâl ychwanegol am weithio gyda’r nos (ar ôl 8pm), ar benwythnosau ac ar wyliau banc ac am gyflawni dyletswyddau cysgu dros nos.

Hawliau i wyliau blynyddol cystadleuol a chynlluniau pensiwn.

Help a chefnogaeth i gwblhau:
Fframwaith Sefydlu Cymru Gyfan (Gofal Cymdeithasol Cymru)

Cymhwyster Plant a Phobl Ifanc Lefel 2 (Craidd)

Cymhwyster Plant a Phobl Ifanc Lefel 3 (Ymarfer)

Anogir a chefnogir datblygiad proffesiynol parhaus a chynnydd o fewn y proffesiwn a chynigir cyfleoedd hyfforddi rheolaidd.

Cyfleoedd hyfforddi i ddysgwyr Cymraeg ddatblygu eu sgiliau ymhellach.

Darperir goruchwyliaeth ffurfiol ac anffurfiol.

Mynediad at wasanaethau lles staff CareFirst.
**Gwybodaeth Ychwanegol**
Cyfeiriwch at y disgrifiad swydd a’r fanyleb person wrth ymgeisio am y swydd uchod.

Gan fod hon yn rôl mor ddiddorol, byddem yn eich annog i gael sgwrs anffurfiol gydag un o reolwyr y Cartrefi - Nina Tonge drwy ffonio 02920838630.

Mae’r swyddi hyn yn destun Gwiriad Manwl gan y Gwasanaeth Datgelu a Gwahardd.
Mae Diogelu ac Amddiffyn Plant yn flaenoriaethau allweddol i’r Cyngor. Ein nod yw cynorthwyo plant a phlant sy’n agored i niwed er mwyn sicrhau eu bod mor ddiogel â phosibl. Mae ein gwasanaethau wedi ymrwymo i sicrhau diogelwch pob plentyn a pherson ifanc, a byddant yn gweithredu i ddiogelu ei les. Maent yn cydnabod bod gan blant a phobl ifanc yr hawl i gael eu hamddiffyn. Caiff hyn ei gefnogi yn ethos cyffredinol Cyngor Caerdydd.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

**_

Job Reference: PEO01680