Swyddog Cyswllt Porth I'r Teulu

**Am Y Gwasanaeth**
Mae Cyngor a Chymorth i Deuluoedd Caerdydd yn wasanaeth arloesol a blaengar yn y gyfarwyddiaeth Oedolion, Tai a Chymunedau yng Nghyngor Caerdydd. Mae’r gwasanaeth, a enillodd Wobr Ansawdd Teuluoedd yn Gyntaf yn ddiweddar, yn rhoi gwybodaeth, cyngor a chymorth o ansawdd i blant bach, plant, pobl ifanc, teuluoedd a gweithwyr proffesiynol ledled y ddinas.

Mae'r gwasanaeth yn defnyddio dull sy'n canolbwyntio ar y teulu, yn seiliedig ar gryfderau, ac yn gynhwysol i nodi’r gefnogaeth fwyaf priodol a fydd yn bodloni anghenion unigolion a’u teuluoedd. Mae'r timau o fewn y gwasanaeth yn cydweithio gydag ystod o weithwyr proffesiynol a phartneriaid i sicrhau bod cefnogaeth ar y lefel iawn ac ar yr adeg iawn.

**Am Y Swydd**
Rydym am benodi Arweinydd Tîm Porth Teulu Gradd 7 a fydd yn arwain, yn datblygu ac yn cefnogi tîm o Swyddogion Cyswllt ar y cyd i ddarparu gwybodaeth a chyngor o ansawdd uchel ynglŷn ag ystod eang o faterion lles sy'n effeithio ar deuluoedd ledled y ddinas. Bydd deiliad y swydd yn cydgysylltu ac yn cyfathrebu gydag ystod o ddefnyddwyr gwasanaeth, gan gynnwys teuluoedd a gweithwyr proffesiynol, a bydd hefyd yn gweithio ochr yn ochr â'r Rheolwr Gwasanaeth i gefnogi datblygiad parhaus ac ansawdd y gwasanaethau.

Byddwn yn cynnig y canlynol i chi:

- Amgylchedd gwaith cyfeillgar a chefnogol.
- Cefnogaeth a goruchwyliaeth reolaidd i'ch cefnogi yn eich gwaith.
- Rhaglen hyfforddiant eang a helaeth gyda chyfleoedd i hyfforddi mewn meysydd penodol.
- Systemau a thechnoleg sy’n galluogi ac yn hyrwyddo gweithio hybrid.
- Cyfle i ddarparu gwasanaeth i blant bach, plant, pobl ifanc a’u rhieni/gofalwyr sy’n gwneud gwahaniaeth iddyn nhw a’u lles.

**Beth Rydym Ei Eisiau Gennych**
Rydym yn chwilio am bobl â’r nodweddion canlynol:

- Brwdfrydedd, cymhelliant a phositifrwydd.
- Gwydnwch a gallu ymateb yn gadarnhaol dan bwysau.
- Brwd dros wneud gwahaniaeth i fywydau teuluoedd ledled y ddinas.
- Profiad o reoli staff a gweithio o fewn tîm.
- Gallu i arwain drwy esiampl, gan arddangos tegwch ac uniondeb.
- Gallu i gyfoethogi perfformiad personol a pherfformiad y staff trwy roi adborth adeiladol a chynnig cyfleoedd datblygu creadigol.
- Profiad amlwg o feithrin cydberthnasau gwaith effeithiol gydag unigolion a grwpiau amrywiol.
- Dealltwriaeth gynhwysfawr o anghenion cymhleth plant, pobl ifanc a'u teuluoedd.
- Gallu amlwg i greu prosesau ysgrifenedig a chyfarwyddiadau gwaith er mwyn darparu’r gwasanaeth.
- Gwybodaeth ymarferol gynhwysfawr am becyn Microsoft Office ac am systemau rheoli achosion.

Bydd yr unigolyn iawn hefyd yn gallu nodi a yw unigolyn mewn perygl ac yn gallu ymgynghori a chydgysylltu â Gweithwyr Cymdeithasol a gweithwyr proffesiynol neu asiantaethau partner eraill yn ôl y gofyn.

**Gwybodaeth Ychwanegol**
I gael rhagor o wybodaeth neu sgwrs anffurfiol am y swydd hon, cysylltwch â Sarah Manley, Rheolwr y Porth Teuluoedd a Chymorth Cynnar ar 07790 939549.

Mae’r swydd hon yn destun Gwiriad Manwl y Gwasanaeth Datgelu a Gwahardd.

Fel cyflogwr cyfle cyfartal, rydym yn gwerthfawrogi amrywiaeth. Felly, er nad yw’n ofyniad ar gyfer gwneud cais, rydym yn croesawu ac yn annog ceisiadau gan unigolion nad ydynt yn cael eu cynrychioli’n ddigonol, gan gynnwys y rheiny:

- Dan 25 oed.
- Nad ydynt mewn cyflogaeth, addysg na hyfforddiant.
- O’n cymunedau lleol gan gynnwys yn enwedig unigolion anabl, gofalwyr a’r rheiny o gymunedau Pobl Ddu a Lleiafrifol Ethnig a LHDT+ Caerdydd.
- Sy’n gallu cyfathrebu’n llawn yn y Gymraeg

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO02988