Uwch Swyddog Hyb

**Am Y Gwasanaeth**
Mae cyfle cyffrous wedi codi i unigolyn ymroddedig sydd â sgiliau gwasanaeth cwsmeriaid rhagorol ymuno â'n Timau Hybiau’r Dwyrain (Hyb Llaneirwg, Hyb Llanrhymni, Hyb Partneriaeth Tredelerch & Hyb Powerhouse Llanedern)

Bydd yr ymgeisydd llwyddiannus yn gyfrifol am gefnogi cwsmeriaid sy’n defnyddio Hybiau a Llyfrgelloedd. Bydd y tasgau'n cynnwys datrys ymholiadau, darparu gwasanaethau llyfrgell sy’n canolbwyntio ar y cwsmer, darparu gwybodaeth a gweithredu fel mentor a rhoi cymorth i swyddogion eraill.

Rydym yn cymryd lles ein staff o ddifrif ac yn ymdrechu i ddarparu trefniadau gweithio cadarnhaol sy'n cefnogi ein gweithlu gwych i deimlo eu bod yn cael eu parchu a'u gwerthfawrogi.

Dyma rai enghreifftiau o sut yr ydym yn ymdrechu i gyflawni hyn:

- Hawl i wyliau blynyddol hael.
- Trefniadau gweithio y gellir eu haddasu, a all gynnwys cynllun fflecsi sy'n eich galluogi i weithio i amserlen sy'n addas i chi ac sy'n bodloni anghenion y gwasanaeth.
- Mynediad at Gronfa Bensiwn Caerdydd a Bro Morgannwg sy'n rhan o'r Cynllun Pensiwn Llywodraeth Leol (CPLlL), sy'n cynnig cynllun pensiwn diogel, hyblyg a dibynadwy.
- Mynediad at gyfleoedd hyfforddi a datblygu pellach i roi cyfle i chi ddatblygu eich gyrfa gyda ni.
- Mynediad at rwydweithiau cydraddoldeb cyflogeion ar gyfer cymorth, arweiniad a chymdeithasu (mae'r rhwydweithiau hyn yn cynnwys y Rhwydwaith Du, Asiaidd a Lleiafrifol Ethnig, Rhwydwaith Gofalwyr, Rhwydwaith Anabledd, Rhwydwaith LHDT a’r Rhwydwaith Menywod).
- Cyfleoedd gwaith hybrid.
- Mynediad at gymorth lles gweithwyr cynhwysfawr.
- Mynediad at y Llwyfan Manteision i Weithwyr MyAdvantages (sy'n cynnwys mynediad at Gynllun Beicio i'r Gwaith y Cyngor a gostyngiadau unigryw gyda manwerthwyr fel Asda, Tesco ac Ikea).

**Am Y Swydd**
Bydd yn ofynnol i'r ymgeisydd llwyddiannus roi cyngor ar ystod eang o wasanaethau'r Cyngor, gan gynnwys darpariaeth llyfrgelloedd. Bydd gofyn i chi gydweithio â sefydliadau partner amrywiol i ddarparu gwasanaeth holistig; tra'n sicrhau bod gwasanaeth cwsmeriaid rhagorol, dros y ffôn neu wyneb yn wyneb, yn cael ei ddarparu bob amser. Byddwch yn gweithredu fel mentor i swyddogion eraill ac yn rhoi cymorth iddyn nhw a'r rheolwr hyb cynorthwyol.
**Beth Rydym Ei Eisiau Gennych**
Bydd angen gwybodaeth arbenigol arnoch am ddarparu Gwasanaethau Llyfrgell, y Dreth Gyngor, Budd-dal Tai a Gostyngiad y Dreth Gyngor a Thai. Bydd gennych brofiad o ddarparu gwasanaeth cwsmeriaid rhagorol, yn gallu gweithio’n dda fel aelod o dîm, a byddwch yn meddu ar agwedd hyblyg. Bydd gennych sgiliau cyfathrebu a TG rhagorol a byddwch yn gallu datrys anghydfodau mewn modd cadarnhaol ac adeiladol.

**Gwybodaeth Ychwanegol**
- Byddai’r gallu i siarad ieithoedd eraill, yn arbennig Cymraeg, ac Ieithoedd Cymunedol, o fantais.

Bydd gofyn i chi weithio ar y penwythnos a chyda'r hwyr ar sail rota ac efallai bydd lleoliad y gwaith yn amrywio.

Mae'r swydd hon yn addas i’w rhannu.

Mae'r swyddi hyn yn amodol ar wiriadau DBS.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO03652