Rheolwr Gwasanaeth Lleoli Oedolion a Llety â

**Amdanom ni**
Mae'r Gwasanaeth Lleoli Oedolion yn darparu llety tymor byr a thymor hir i oedolion yr aseswyd bod angen gofal a chymorth arnynt ar draws Bro Morgannwg a Phen-y-bont ar Ogwr. Mae pobl yn byw mewn amgylchedd teuluol a ddarperir gan Letywyr Lleoli Oedolion cymeradwy. Arolygiaeth Gofal Cymru ydy rheoleiddiwr y gwasanaeth. Mae'r gwasanaeth yn canolbwyntio ar ddarparu gofal o ansawdd a galluogi pobl yr aseswyd bod angen gofal a chymorth arnynt, i gyflawni'r canlyniadau a nodwyd mewn ffordd gynhwysol sy'n canolbwyntio ar yr unigolyn. Mae'r tîm yn cynnwys saith gweithiwr prosiect, un swyddog gofal cymdeithasol a gweinyddwr.

Darperir llety â chymorth ym Mro Morgannwg drwy gontract gyda dau ddarparwr cymorth, i oedolion ag anabledd dysgu a/neu anabledd corfforol sydd, yn dilyn asesiad lles, wedi'u nodi fel rhai sydd angen gofal a chymorth.

Diben y gwasanaeth yw darparu model o wasanaethau unigol sy'n seiliedig ar gryfderau ac wedi'u cyd-gynhyrchu, a fydd yn hyrwyddo ac yn cynnal annibyniaeth a chynhwysiant dinasyddion sydd ag anableddau dysgu a/neu anableddau corfforol, awtistiaeth, nam ar y synhwyrau, ymddygiad sy'n heriol ac anghenion chymhleth. Cefnogir y rheolwr gan swyddog monitro llety â chymorth.

**Ynglŷn â'r rôl**
Manylion Cyflog: Graddfa Gyflog Gradd 10, 36-39, £40,578 - £43,570

Oriau Gwaith / Patrwm Gwaith: 37 awr, dydd Llun i ddydd Gwener

Prif Weithle: Hen Goleg, Y Barri

**Disgrifiad**:

- Rheoli'r Gwasanaeth Lleoli Oedolion yn unol â Chofrestru ac Arolygu** **Deddf Gofal Cymdeithasol (Cymru) 2016 a Rhannau 2-16 o Reoliadau'r Gwasanaeth Lleoli Oedolion (Darparwyr Gwasanaethau ac Unigolion cyfrifol) (Cymru) 2019
- Gweithio'n agos gyda'r Unigolyn Cyfrifol i reoli'r cytundeb partneriaeth rhwng Bro Morgannwg a Chyngor Bwrdeistref Sirol Pen-y-bont ar Ogwr i sicrhau bod gwasanaethau'n cael eu darparu'n effeithiol a'u bod yn cydymffurfio â'r holl ofynion statudol.
- Datblygu'r gwasanaethau yn unol ag egwyddorion cyd-gynhyrchu a chydweithio â dinasyddion, staff a rhanddeiliaid allweddol.
- Darparu arweiniad a goruchwyliaeth broffesiynol i aelodau’r tîm ac adolygu a mynd i’r afael â’u perfformiad, hyfforddiant ac anghenion o ran datblygu personol yn rheolaidd er mwyn cyflawni amcanion adrannol i sicrhau gwelliant parhaus.
- Sicrhau bod dinasyddion yn ganolog i fonitro contractau a datblygu gwasanaethau.
- Hyrwyddo dealltwriaeth o ymchwiliadau a'u cynorthwyo yn unol â chanllawiau a gweithdrefnau Diogelu Oedolion.
- Rhoi arweiniad ar faterion llety, rheoli newid a chynorthwyo darparwyr i ddarparu a chynnal gwasanaethau a safon uchel, sy’n hybu bywyd o ansawdd da ac annibyniaeth.
- Cymryd cyfrifoldeb a ddirprwyir dros reoli cyllidebau ariannol dynodedig drwy sicrhau bod aelodau tîm yn defnyddio’r adnoddau sydd ar gael i ateb anghenion mewn ffordd hyblyg a chreadigol o fewn dirprwyaeth y cytunwyd arni, ac adolygu cyllidebau’n rheolaidd yn unol ag egwyddorion Gwerth Gorau.

**Amdanat ti**
Bydd angen y canlynol arnoch:

- Profiad o weithio fel aelod o dîm amlddisgyblaethol.
- Profiad o weithio gyda sefydliadau statudol, gwirfoddol ac annibynnol.
- Profiad o weithio gyda phobl sydd ag anghenion gofal a chymorth.
- Profiad o weithio mewn llety â chymorth neu lety preswyl.
- Profiad o brosesau monitro gwasanaethau
- Profiad o weithdrefnau Diogelu Oedolion
- Profiad o reoli a goruchwylio mewn lleoliad iechyd a/neu ofal cymdeithasol
- Gwybodaeth am weithio mewn partneriaeth â sefydliadau eraill
- Yn gallu arddangos ymarfer sy’n seiliedig ar gryfderau
- Gwybodaeth am gysyniadau Polisi Cyfle Cyfartal y Cyngor ac ymrwymiad iddynt
- Gwybodaeth a dealltwriaeth am bolisïau a deddfwriaeth berthnasol:

- Deddf Rheoleiddio ac Arolygu Gofal Cymdeithasol (Cymru) (2016), Rheoliadau Gwasanaethau Lleoli Oedolion (Darparwyr Gwasanaethau ac Unigolion Cyfrifol) (Cymru) 2019, Deddf Llesiant Gwasanaethau Cymdeithasol (Cymru) (2014), Deddf Galluedd Meddyliol (2005) Trefniadau Diogelu Rhag Colli Rhyddid/ Trefniadau Diogelu Rhyddid.
- Diploma Lefel 5 ar gyfer Iechyd a Gofal Cymdeithasol ( Ymarfer Uwch i Oedolion) FfCCh Lefel 5 mewn Arweinyddiaeth ar gyfer Iechyd a Gofal Cymdeithasol (Rheoli Oedolion) neu gymhwyster cyfatebol.
- Y gallu i weithio dan bwysau.
- Brwdfrydedd ac yn gryf eich cymhelliant

**Gwybodaeth Ychwanegol**

Oes angen gwiriad GDG: Manwl

07815859638

Gweler y disgrifiad swydd / manyleb person a atodir i gael rhagor o wybodaeth.

Job Reference: SS00433