Gweithiwr Cymdeithasol

**Amdanom ni**

**Oes gennych chi ymagwedd sy'n seiliedig ar gryfder tuag at Waith Cymdeithasol?**

**Hoffech chi weithio yn yr awdurdod lleol sy'n perfformio orau yng Nghymru?**

**Os felly, ymunwch â ni ym Mro Morgannwg.**

Mae gennym nifer o gyfleoedd gwaith cymdeithasol ar draws y gwasanaeth a byddem yn croesawu ceisiadau gan bobl sydd wedi ymrwymo i ymarfer o ansawdd uchel sy'n canolbwyntio ar yr unigolyn.

Rydym yn buddsoddi yn ein timau i fynd â'r gwasanaeth i'r lefel nesaf o ragoriaeth. Mae gennym swyddi gwag yn y meysydd canlynol:

- Tîm Derbyn ac Asesu: Ymyriadau cyflym i gefnogi pobl ag anghenion sy'n dod i'r amlwg neu sy'n newid.
- Tîm Gofal Hirdymor: Cefnogi pobl i fyw’n dda yn eu cymunedau lleol.
- Tîm Anabledd Dysgu: Cefnogi pobl ag Anabledd Dysgu i gyflawni eu llawn botensial a chanlyniadau personol.
- Gwasanaethau iechyd meddwl a chamddefnyddio sylweddau cymunedol - Gweithio ar draws Tîm Iechyd Meddwl Ardal y Fro a Thîm Alcohol a Chyffuriau’r Fro i asesu a chefnogi’r rhai sydd ag anawsterau iechyd meddwl difrifol ac anawsterau camddefnyddio sylweddau, y cyfeirir ato hefyd fel diagnosis deuol.

Byddwch yn cael cymorth rhagorol ac yn cael mynediad at ystod o gyfleoedd hyfforddi i'ch cefnogi yn eich rôl.

**Ynglŷn â'r rôl**
Manylion Cyflog: Gradd 8 - 9 (yn dibynnu ar brofiad) £30,984 - £39,571

Oriau Gwaith/Patrwm Gwaith: 37 awr yr wythnos 8.30 -5.00pm (4.30pm dydd Gwener) gyda lefel o hyblygrwydd.

Prif Weithle: Timau yn y Barri, Bro Morgannwg

Swyddi parhaol

Disgrifiad:

- Cyflawni asesiad o ddinasyddion yn unol â dyletswyddau statudol dan ddeddfwriaeth berthnasol.
- Cynllunio a chomisiynu gwasanaethau i alluogi oedolion ag anghenion gofal a chymorth a gofalwyr ag anghenion cymorth i oresgyn y rhwystrau i gyflawni'r canlyniadau personol a monitro ac adolygu'r cynlluniau gofal drwy gyd-gynhyrchu â dinasyddion a gofalwyr
- Paratoi ar gyfer sesiynau goruchwylio ac Adolygu Datblygiad Personol (#AmdanafFi) gyda’r goruchwylydd/rheolwr llinell a chyfrannu atynt, a nodi anghenion datblygu personol a hyfforddiant i gynnal Cofrestriad â Gofal Cymdeithasol Cymru.
- Dilyn hyfforddiant i gefnogi datblygiad proffesiynol parhaus i sicrhau bod y Cyngor yn gallu parhau i gyflawni ei swyddogaethau statudol, gan gynnwys parodrwydd i alluogi staff i ddilyn hyfforddiant pellach i ddod yn Weithwyr Proffesiynol Iechyd Meddwl Cymeradwy, neu’n weithwyr mewn rolau uwch eraill mwy penodol.
- Goruchwylio neu fentora staff neu fyfyrwyr eraill lle y bo’n briodol a chynnig mewnbwn i raglenni hyfforddiant a chyfarfodydd Materion Ymarfer Tîm lle y bo’n briodol.
- Rhoi gwybod am unrhyw bryderon diogelu i’r swyddog diogelu priodol yn ddi-oed.

**Amdanat ti**
Bydd angen y canlynol arnoch:

- Profiad o weithio gydag oedolion sy’n agored i niwed trwy salwch, anabledd neu eiddilwch oherwydd eu hoedran
- Asesu gofalwyr a dinasyddion sy'n oedolion.
- Gweithio mewn partneriaeth â sefydliadau statudol/gwirfoddol i hyrwyddo annibyniaeth dinasyddion
- Profiad o weithio gyda dull adfer/ar sail cryfder o gefnogi dinasyddion i gyflawni eu canlyniadau personol
- Gwybodaeth am ddeddfwriaeth berthnasol e.e. Deddf Gwasanaethau Cymdeithasol a Llesiant (Cymru); y Ddeddf Gwahaniaethu ar Sail Anabledd, y Ddeddf Iechyd Meddwl, y Ddeddf Galluedd Meddyliol a.y.b.
- Gwybodaeth am faterion a gweithdrefnau diogelu o ran oedolion
- Gwybodaeth am bolisïau a gweithdrefnau Cyfle Cyfartal ac ymrwymiad iddynt
- Gallu cyfathrebu’n glir ac yn effeithiol, ar lafar ac yn ysgrifenedig.
- Gallu asesu anghenion, cynllunio gwaith, pennu blaenoriaethau ac adolygu trefniadau.
- Gallu dadansoddi a gwerthuso gwybodaeth.
- Gallu cysylltu a chyd-drafod ag unigolion, gweithwyr proffesiynol ac asiantaethau.
- Gallu gweithio fel aelod o dîm.
- Gallu gweithio’n hyblyg a dan bwysau.
- Gallu gweithredu a chynnal systemau rheoli TG a gwaith achos. Safon addysg gyffredinol dda.
- Ymrwymiad i'ch datblygiad personol eich hun a hyfforddiant pellach.

**Gwybodaeth Ychwanegol**

Angen Gwiriad GDG

I gael rhagor o wybodaeth cysylltwch â: Katherine Callow

Gweler y disgrifiad swydd/manyleb person atodol am ragor o wybodaeth.

Job Reference: SS00418