Rheolwr Project

**Ynglŷn â'r gwasanaeth**
Mae cyfle cyffrous wedi codi ar gyfer unigolyn ymroddgar sydd â hanes llwyddiannus o reoli projectau wedi eu cyllido ac o fod yn rheolwr llinell ar dîm. Mae'r Gwasanaeth Cynghori i Mewn i Waith yn rhoi cymorth i bobl sydd wrthi'n chwilio am waith neu'n ceisio gwella'u sgiliau. Mae'r tîm yn gallu cynnig cymorth a mentora dwys drwy brosiectau a ariennir yn allanol a chyfleoedd gwirfoddoli.

**Ynglŷn â’r swydd**
Bydd Rheolwr y Prosiect yn rheolwr llinell ar dîm bach o staff Ansawdd a Pherfformiad a Swyddogion Cyflawni Canlyniadau o fewn y Gwasanaeth i Mewn i Waith. Bydd gan ddeiliad y swydd gyfrifoldeb dros gyflwyno hawliadau ariannol chwarterol ar gyfer prosiectau wedi eu cyllido’n allanol, arwain ar gyflwyniadau ystadegol, monitro yn erbyn targedau prosiectau a gwella’r gwasanaeth.

Bydd y gwaith yn cefnogi gwaith y Gwasanaeth Cyngor i Mewn i Waith sy’n darparu cymorth cyflogadwyedd i bobl ledled y ddinas.

**AM BETH RYDYM YN CHWILIO GENNYCH CHI**
O leiaf 2 flynedd o brofiad o oruchwylio a rheoli eraill, i gynnwys hyfforddi a chefnogi. Y gallu i arwain tîm, dangos ymrwymiad i gynnwys staff ac annog cyfathrebu'r naill ffordd a’r llall. Gwybodaeth ardderchog am yr ystod eang o gymorth cyflogadwyedd, cyngor ac arweiniad gyrfaol, gyda phrofiad amlwg. Dealltwriaeth drylwyr o'r ddeddfwriaeth Budd-daliadau Lles gan gynnwys newidiadau Diwygio Lles, a’r effaith ar Gymorth i Mewn i Waith.

Profiad o reoli tîm, sy'n gweithio gyda’r ceiswyr gwaith di-waith sydd bellaf i ffwrdd o'r farchnad lafur. Profiad helaeth o gwblhau archwilio data gan sicrhau ei fod yn cael ei gyflwyno yn unol â gofynion cyrff cyllido.

Profiad o reoli prosiectau lluosog a ariennir yn allanol (gan gynnwys prosiectau Cronfa Gymdeithasol Ewrop), gan gynnwys staff, cyllideb a thargedau Profiad o weithio mewn partneriaeth amlasiantaethol, gan gynnwys gwasanaethau Awdurdodau Lleol.

Profiad o ddatblygu, rheoli a chynnal cronfeydd data ar-lein.

Profiad amlwg o baratoi dogfennau ac adroddiadau o safon uchel.

**GWYBODAETH YCHWANEGOL**
Bydd y swydd yn gofyn am weithio o nifer o leoliadau gwahanol, gan gynnwys Hyb y Llyfrgell Ganolog a Hybiau Cymunedol eraill.

Mae’r swydd hon yn amodol ar Wiriadau Manwl gan y Gwasanaeth Datgelu a Gwahardd.

Rhaid i ymgeiswyr mewnol sy'n dymuno gwneud cais am y swydd hon ar sail secondiad gael cymeradwyaeth cyn gwneud cais gan ddefnyddio Ffurflen SEC1 (4.C.081). Dim ond y Cyfarwyddwr / Dirprwy Gyfarwyddwr / Prif Swyddog perthnasol neu uwch swyddog arall a enwebwyd, nad ydynt ar raddfa is na RhG2, neu’r Pennaeth / Corff Llywodraethu yn achos staff ysgolion, sy’n gallu cymeradwyo ceisiadau.

Mae’r swydd hon yn addas i'w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Nid yw'r Cyngor yn derbyn CVau. Wrth gwblhau adran gwybodaeth ategol eich cais, sicrhewch eich bod yn cyfeirio at yr isod sydd ar ein gwefan:
Gwybodaeth bwysig y mae angen i chi ei darllen er mwyn cwblhau eich cais:

- Canllaw Cyflwyno Cais
- Ymgeisio am swyddi gyda ni
- Fframwaith Cymwyseddau Ymddygiadol

Gwybodaeth Ychwanegol:

- Siarter Cyflogeion
- Recriwtio Cyn-Droseddwyr
- Hysbysiad Preifatrwydd

Job Reference: PEO02752