Rheolwr Gwasanaeth Mesur Meintiau

**Am Y Gwasanaeth**
Oherwydd ail-strwythuro gwasanaeth mae cyfle cyffrous wedi codi o fewn y Tîm Dylunio, Adeiladu a Chynnal a Chadw (DAChC) newydd ar gyfer Rheolwr Gwasanaeth Mesur Meintiau cymwys i arwain, rheoli a datblygu tîm o syrfëwr meintiol.

Mae'r Tîm hwn sydd newydd ei sefydlu yn gyfrifol am ddylunio a darparu ystod eang o brosiectau sy’n gysylltiedig ag adeiladau ar draws ystadau ysgol ac adeiladau corfforaethol y Cyngor. Mae'r Tîm yn mabwysiadu dull aml-ddisgyblaeth er mwyn sicrhau bod ystod eang o amcanion polisi'r Cyngor yn cael eu hystyried yn llawn. I’r perwyl hwn, mae nodau cynaliadwyedd, ynni, iechyd a diogelwch, gwastraff a lleihau carbon y Cyngor, ochr yn ochr â’i amcanion cynhwysiant, buddiannau cymunedol, llesiant a hygyrchedd, i gyd yn cael eu hystyried a’u cymhwyso i gyflawni prosiectau ar amser, o fewn eu cyllideb ac i’r ansawdd gofynnol.

**Am Y Swydd**
Prif bwrpas y rôl yw sicrhau yr ymgymerir â gwasanaethau mesur meintiau effeithiol a chwblhau gwasanaethau mesur meintiol proffesiynol i gynorthwyo'n rhagweithiol gyda gwasanaethau dichonoldeb technegol, gwasanaethau asesu a dylunio, a chynorthwyo’n rhagweithiol gyda’r gwaith o gyflawni ystod o brosiectau cysylltiedig ag adeiladu i safon gyson uchel yn unol â gofynion cwsmeriaid.

Bydd deiliad y swydd yn arwain tîm o syrfëwyr meintiol mewnol i gyflawni'r canlyniadau gofynnol, a hefyd lle bo angen yn sgil rhesymau capasiti neu dechnegol, arwain ar gomisiynu allanol gwasanaethau proffesiynol a gwaith adeiladu gan sefydliadau allanol.

Mae'r Cyngor yn cynnig pecyn buddion hael gan gynnwys:

- 27 diwrnod o wyliau blynyddol, gan godi i 32 diwrnod ar ôl 5 mlynedd o wasanaeth;
- pensiwn cyfrannol hael;
- cynllun ildio cyflog CGY (drwy bartneriaeth ag AVC Wise);
- mynediad am bris gostyngol i rai o Ganolfannau Hamdden y Cyngor;
- tocynnau bws blynyddol am bris gostyngol;
- cefnogaeth ar gyfer Datblygiad Proffesiynol Parhaus ac
- amrywiaeth o rwydweithiau cymorth staff

**Beth Rydym Ei Eisiau Gennych**
Rydym yn chwilio am Reolwr Gwasanaeth Mesur Meintiau (Siartredig neu gyfatebol) gyda phrofiad da o reoli timau peirianneg â chyfrifoldeb dros ddarparu gwasanaethau proffesiynol mewn perthynas â phrosiectau'n gysylltiedig ag adeiladu mewn amryw fathau o adeiladau gan gynnwys ysgolion.

Bydd gan yr ymgeisydd llwyddiannus y canlynol hefyd:

- gwybodaeth dda am ganllawiau, safonau, dulliau mesur, ac ati, sy’n berthnasol i waith adeiladu a rheoli gwaith adeiladu;
- gwybodaeth dda am wasanaethau proffesiynol a chontractau adeiladu a'u gweithredu;
- Profiad ymarferol yn prosesu taliadau contract a hawliadau contract;
- sgiliau cyfathrebu da, yn ysgrifenedig ac ar lafar, a
- sgiliau trefnu personol da a’r gallu i reoli llwyth gwaith amrywiol a heriol mewn amgylchedd sy’n newid yn gyson.

**Gwybodaeth Ychwanegol**
Am drafodaeth anffurfiol a rhagor o wybodaeth am y rôl hon, cysylltwch â:
Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Mae’r swydd yn destun Gwiriad Manwl gan y Gwasanaeth Datgelu a Gwahardd.

Mae’r swydd hon yn addas i'w rhannu.

Oherwydd y trefniadau gwaith dros dro presennol, ni allwn ddarparu pecynnau recriwtio na derbyn ffurflenni cais drwy'r post.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: ECO00385