Gweithiwr Cymorth

**Am Y Gwasanaeth**
Mae cyfle wedi codi i ymuno â'r Tîm Byw â Chymorth Caerdydd. Rydym yn chwilio am weithwyr cymorth i roi cymorth i unigolion ag anabledd dysgu. Rydym yn ymrwymedig i gynnig gwasanaeth o safon uchel sy’n canolbwyntio ar yr unigolyn. Mae gweithio yn y Gwasanaethau Oedolion yn cynnig gwaith prysur a diddorol y byddech yn ei ddisgwyl mewn prifddinas. Byddwch yn gweithio fel rhan o dîm blaengar yn gweithio gyda phobl i hyrwyddo a gwneud y gorau o fyw'n annibynnol.

Rydym yn ymfalchïo yn ansawdd ein hymyriadau ac yn darparu cymorth parhaus i'ch galluogi i gyflawni hyn drwy ddarparu sesiynau sefydlu, amser gwarchodedig, goruchwyliaeth reolaidd a'n fframwaith sicrwydd ansawdd. Mae Gwasanaethau Oedolion Caerdydd yn cynnig rhaglen hyfforddi eang a helaeth sy'n cael ei diweddaru'n rheolaidd.

Rydym yn ymrwymo i ddiogelu a hyrwyddo lles oedolion ac yn disgwyl i'n staff rannu'r ymrwymiad hwn.

**Am Y Swydd**
Rydym am recriwtio nifer o rolau Gweithiwr Cymorth Gradd 5 o dan gontract parhaol mewn lleoliad byw â chymorth. Rydym yn gweithio’n greadigol gan ddefnyddio model sy’n seiliedig ar gryfderau ac arferion sy’n seiliedig ar dystiolaeth i gyflawni’r canlyniadau gorau i’n hoedolion a’u teuluoedd.

Bydd y rôl hon yn cynnwys gweithio gydag unigolion ag anabledd dysgu, i'w cefnogi i gyflawni canlyniadau cadarnhaol yn eu bywydau. Mae CSL (Byw â Chymorth Caerdydd) yn rhan o Dîm Integredig ehangach, ac mae’r gwaith yn cynnwys cydweithio a gweithio mewn partneriaeth â chydweithwyr ar draws sefydliadau iechyd, gofal cymdeithasol a thrydydd parti sy’n rhannu’r nod o sicrhau bod oedolion yn hybu eu hannibyniaeth ac yn cynnal eu lles.

Rydym yn wasanaeth a reoleiddir, a byddem yn disgwyl i chi fodloni'r meini prawf i'ch galluogi i gofrestru gyda Gofal Cymdeithasol Cymru.

Byddwch yn gweithio gydag oedolion a'u teuluoedd i ddilyn cynlluniau gofal a chymorth priodol a fydd yn eu galluogi i gyflawni eu canlyniadau personol a'r hyn sy'n bwysig iddynt. Byddwch yn cael eich goruchwylio’n rheolaidd gan Uwch Weithiwr Cymdeithasol Gradd 6 yn eich tîm. Fel aelod staff gwerthfawr o Wasanaethau Oedolion Cyngor Caerdydd, bydd cyfleoedd hyfforddi ar gael i sicrhau eich datblygiad proffesiynol parhaus.

**Beth Rydym Ei Eisiau Gennych**
- Rydym yn awyddus i recriwtio staff sy’n frwd dros ein gwasanaeth. Rydym yn chwilio am bobl sydd wedi ymrwymo i roi ein hoedolion wrth wraidd y gwaith a wnawn ac sydd am weithio mewn maes gwaith cyflym, deinamig ac amrywiol.
- Byddwch yn barod i ymgymryd â hyfforddiant i wella sgiliau a gwybodaeth i ddarparu cymorth o safon sy'n canolbwyntio ar yr unigolyn.
- Byddwch yn ymrwymedig i hyfforddiant, mynychu sesiynau cymorth cymheiriaid a goruchwylio.
- Byddwch yn barod i weithio'n hyblyg a chefnogi pobl yn gadarnhaol ym mhob agwedd ar eu bywyd bob dydd.
- Byddwch am weithio ym mhrifddinas Cymru mewn Gwasanaethau lle rydym yn cefnogi ein gilydd ac yn Gweithio
- Byddai'r gallu i siarad ieithoedd eraill, yn enwedig y Gymraeg, ac Ieithoedd Cymunedol yn fantais.

**Gwybodaeth Ychwanegol**
Mae’r swyddi hyn yn destun Gwiriadau Manwl gan y Gwasanaeth Datgelu a Gwahardd ac yn addas ar gyfer rhannu swydd.

Mae diogelu oedolion ac amddiffyn plant yn flaenoriaethau allweddol i'r Cyngor a'n nod yw cefnogi plant ac oedolion i sicrhau eu bod mor ddiogel ag y gallant fod. Mae ein gwasanaethau a’n hysgolion wedi ymrwymo i sicrhau diogelwch pob plentyn ac oedolyn, a byddant yn gweithredu i ddiogelu eu lles. Maent yn cydnabod bod gan blant ac oedolion yr hawl i gael eu hamddiffyn. Caiff hyn ei gefnogi yn ethos cyffredinol y cyngor a phob ysgol.

Ni chaiff ceisiadau Cymraeg eu trin yn llai ffafriol na cheisiadau Saesneg.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO03896