Athro Cynhwysiant Ôl-16

**Am Y Gwasanaeth**
Mae cyfle cyffrous wedi codi i ymuno â’r Gwasanaeth Cynhwysiant, a chwarae rhan gefnogol wrth weithredu Deddf Anghenion Dysgu Ychwanegol a’r Tribiwnlys Addysg (Cymru 2018). Mae'r Gwasanaeth Cynhwysiant yn rhan o'r Gyfarwyddiaeth Addysg a Dysgu Gydol Oes, ac mae'n gyfrifol am sicrhau bod y cyngor yn cyflawni ei gyfrifoldebau statudol dros blant a phobl ifanc ag anghenion dysgu ychwanegol (ADY).
**Am Y Swydd**
Yn y rôl hon byddwch yn gweithio o dan gyfarwyddyd y Swyddog Arweiniol ADY Ôl-16 i gefnogi’r broses o weithredu ADY ar gyfer plant a phobl ifanc yng Nghaerdydd. Byddwch yn cynorthwyo i ddatblygu cymorth a chynllunio ôl-16 ar gyfer pobl ifanc ag anghenion dysgu ychwanegol drwy:

- cynorthwyo ysgolion a lleoliadau i gynllunio a gweithredu trefniadau pontio effeithiol i addysg bellach a/neu fywyd oedolyn;
- cefnogi gallu ysgolion a SAB i ymgorffori dulliau cynllunio ysgol gyfan sy'n canolbwyntio ar yr unigolyn ac arfer ystafell ddosbarth cynhwysol;
- hyrwyddo cyfranogiad pobl ifanc a'u rhieni a'u gofalwyr;
- sicrhau bod CDUau priodol ac effeithiol yn eu lle ar gyfer dysgwyr ag ADY, yn unol â’r Cod ADY, y Ddeddf Cydraddoldeb, a chanllawiau rhanbarthol a lleol;
- cydgysylltu'n effeithiol ag ysgolion, SABau, seicolegwyr addysg, athrawon arbenigol a gweithwyr iechyd proffesiynol i sicrhau bod darpariaeth ddysgu ychwanegol effeithiol ar waith ar gyfer dysgwyr sydd â CDUau a gynhelir gan ALl; a
- sicrhau bod Darpariaeth Dysgu Ychwanegol (DdY) briodol yn cael ei sicrhau, ei chynnal a'i hadolygu.

**Beth Rydym Ei Eisiau Gennych**
Rydym yn chwilio am rywun sydd:

- yn athro cymwysedig gyda phrofiad o addysgu a gweithio gyda phobl ifanc gydaanghenion dysgu ychwanegol (16-25);
- â phrofiad o weithio gyda rhieni/gofalwyr;
- â phrofiad o arfer ystafell ddosbarth gynhwysol a chymhwyso cynllunio sy'n canolbwyntio ar yr unigolynymagweddau;
- gallu defnyddio eu profiad i fodelu a chefnogi arfer ystafell ddosbarth cynhwysol a dulliau cynllunio sy'n canolbwyntio ar yr unigolyn;
- yn meddu ar wybodaeth ymarferol ragorol o'r Cod ADY a'r rheoliadau cysylltiedig;
- â phrofiad o ddatblygu a chyflwyno hyfforddiant a thystiolaeth o gyfraniad arbennig at godi safonau;
- gallu cyfathrebu'n effeithiol ag amrywiaeth o randdeiliaid, gan gynnwys y gallu i ddatrys problemau, a chynnwys amrywiaeth o bartneriaid mewn camau gweithredu i leihau a datrys gwrthdaro;
- yn gallu darparu cyngor adeiladol a, lle bo angen, nodi a herio tanberfformiad;
- yn gallu rheoli eu llwyth gwaith yn effeithiol a gwneud penderfyniadau strategol priodol;
- yn meddu ar sgiliau cyfathrebu ardderchog yn ysgrifenedig ac ar lafar;
- yn gallu gweithio ar y cyd ag asiantaethau eraill i ddiogelu plant a phobl ifanc;
- yn gallu dadansoddi ystod o ddata a thystiolaeth, a gwerthuso effaith ac effeithiolrwydd DDdY; a
- yn gallu gweithio'n effeithiol ar eich pen eich hun neu fel rhan o dîm.

**Gwybodaeth Ychwanegol**

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: EDU00766