Gweithiwr Cefnogi Gwasanaeth

**Gweithiwr Cefnogi Gwasanaeth - Adran Achosion Brys**

**Lleoliad**:Ysbyty Glan Clwyd Emergency Department, Rhuddlan Rd, Bodelwyddan, Rhyl, Denbighshire, LL18 5UJ**

**Math o gontract: Achlysurol**

**Oriau'r wythnos: amrywiol**

**Cyflog: £10.90 yr awr**

Ydych chi wrth eich bodd yn helpu pobl mewn angen? Ydych chi'n chwilio am rôl werth chweil a allai roi hwb i'ch gyrfa yn y sector iechyd a chymdeithasol?

Rydym yn chwilio am berson gofalgar a gwydn, sy’n gallu meddwl ar eu traed mewn amgylchedd dan bwysau i ymuno â’n tîm Byw’n Annibynnol fel **Gweithiwr Cefnogi Gwasanaeth.**

Wedi'ch lleoli mewn Adran Achosion Brys cyflym, prysur a dwys, byddwch yn darparu cymorth ymarferol ac emosiynol i gleifion. Byddwch yn cyflawni tasgau anfeddygol i ryddhau'r staff meddygol i allu canolbwyntio ar eu rôl glinigol a gwneud arhosiad ymwelwyr mor gyfforddus â phosibl.

**Bydd diwrnod ym mywyd Gweithiwr Cefnogi Gwasanaeth yn cynnwys**:

- Hebrwng cleifion i adrannau penodedig
- Casglu presgripsiynau i gyflymu eu rhyddhau
- Darparu cymorth emosiynol/gofal bugeiliol tra byddant yn aros am driniaeth
- Darparu cefnogaeth emosiynol i ffrindiau agos a theuluoedd
- Sicrhau bod cleifion yn cael bwyd/diod wrth aros am oriau hir a chynorthwyo gyda dosbarthu bwyd yn ystod amser bwyd
- Gyrru cleifion adref ar ôl eu rhyddhau a gwneud yn siŵr eu bod wedi setlo gartref yn ddiogel
- Cyfeirio cleifion at ffynonellau cymorth eraill yn y gymuned

**Sylwch fod y gwasanaeth hwn yn rhedeg o ddydd Llun i ddydd Sul (gan gynnwys gwyliau banc) a disgwylir i'r ymgeisydd llwyddiannus ymrwymo i sifftiau hyd at 10 awr (diwrnodau hyblyg).**

**I fod yn Weithiwr Cefnogi Gwasanaeth llwyddiannus, bydd angen**:

- Gwybod sut i wella ansawdd gwasanaeth er budd defnyddwyr, gan ymdrin ag ymholiadau mewn modd diplomyddol a chyfrinachol.
- Gwybodaeth dda am wasanaethau a ddarperir gan y GIG a Gofal Cymdeithasol.
- Addysg hyd at lefel TGAU (neu gyfwerth trwy brofiad).
- Bod yn llythrennog mewn TG.
- Trwydded yrru lawn y DU sy'n eich galluogi i yrru cerbyd trawsyrru â llaw.

**Y dyddiad cau ar gyfer ceisiadau yw 23.59 ddydd Medi 7fed gyda chyfweliadau i ddilyn.**

**Yn gyfnewid am eich ymrwymiad a'ch arbenigedd, byddwch yn cael**:

- Gwyliau - Byddwch yn cael hyd at 36 diwrnod o wyliau blynyddol (gan gynnwys gwyliau banc) a’r opsiwn i brynu 5 diwrnod o wyliau ychwanegol.
- Cynllun pensiwn - Rydym yn cynnig hyd at 6% o bensiwn cyfrannol.
- Gweithio hyblyg - Byddwn yn gwneud yr hyn a allwn i sicrhau eich bod yn gweithio mewn ffordd sy'n addas i chi
- Cyfleoedd Dysgu a Datblygu - Ni yw un o elusennau mwyaf y DU ac mae gennym ystod eang o gyfleoedd gyrfa. Rydym hefyd yn darparu cyfleoedd dysgu cynhwysfawr i staff ddatblygu eu hunain.
- Gostyngiadau - Bydd gennych fynediad at ostyngiadau gwych trwy'r Cerdyn Gostyngiad Golau Glas a'n platfform buddion gweithwyr ein hunain.
- Cymorth Lles - Mae lles staff bob amser yn flaenoriaeth. Bydd gennych fynediad at gymorth iechyd meddwl a lles.
- Gweithio mewn Tîm - Byddwch yn gweithio fel rhan o dîm sy'n cefnogi ein cenhadaeth o helpu pobl mewn argyfwng.
- Beicio i'r Gwaith - Mae'r cynllun beicio i'r gwaith yn eich galluogi i brydlesu beic.
- Benthyciad tocyn tymor - Rydym yn cynnig benthyciad di-log i brynu tocyn tymor ar gyfer teithio rhwng y cartref a’r gwaith.

Yn Y Groes Goch Brydeinig, rydym yn ymfalchïo yn ein gweithlu amrywiol, ac yn sicrhau bod gennym amgylchedd cynhwysol ar gyfer ein holl staff a gwirfoddolwyr. Rydym yn parhau i fod yn ymrwymedig i sicrhau y gall ein timau ddod â'u hunain i'r gwaith heb risg nac ofn gwahaniaethu. Rydym yn gwneud hyn trwy adroddiadau data rheolaidd, a chefnogaeth ein Rhwydwaith Hil a Chydraddoldeb mewnol (REEN), Rhwydwaith LHDT+, ein Rhwydwaith Anabledd a Lles (DAWN), Rhwydwaith Rhyw, Rhwydwaith Gofalwyr a Rhwydwaith Ieuenctid.

**Cysylltu caredigrwydd dynol ag argyfwng dynol