Education Outreach Officer

**Swyddog Allgymorth Addysg (Gogledd Cymru)**

**Manylion y Contract**

**Lleoliad**:Gweithio o gartref yng Ngogledd/Canol Cymru a bydd angen i ddeiliad y swydd deithio’n rheolaidd i ysgolion yn Ceredigion, Gwynedd a powys.

**Contract ac oriau**:Rhan-amser 2 diwrnod yr wythnos (40% cyfwerth ag amser llawn - tua 16 awr yr wythnos gan gynnwys seibiannau cinio yn seiliedig ar batrwm gwaith). Contract parhaol yn amodol ar adnewyddu cyllid. Mae gan Maint Cymru bolisi gweithio hyblyg a TOIL.

**Pensiwn**:Mae Maint Cymru yn cynnig cyfraniad pensiwn o 6%.

**Gwyliau blynyddol**:22 diwrnod a gwyliau’r banc (pro rata), yn codi i 27 diwrnod a gwyliau’r banc (pro rata) ar ôl blwyddyn

**Y dyddiad cau ar gyfer ymgeisio**:Dydd Llun 24ain o Orffennaf hanner dydd

**Ynghylch Maint Cymru**

Mae Maint Cymru yn elusen sy’n gwneud Cymru yn rhan o’r ateb byd-eang mewn perthynas â newid yn yr hinsawdd. Defnyddiwyd “maint Cymru” fel uned fesur am ddegawdau, ar gyfer dinistrio ein cynefinoedd naturiol mwyaf gwerthfawr, ond rydym wedi dod â'n cenedl at ei gilydd i droi hyn ar ei phen ers 2010.

Gyda’n gilydd, rydym yn:
(i) gweithio gyda chymunedau brodorol a lleol ar draws y byd i ddiogelu o leiaf 2 filiwn hectar o goedwigoedd trofannol - ardal o _faint Cymru_ - ac yn tyfu miliynau o goed.
(ii) addysgu ac ysbrydoli pobl yng Nghymru i gydnabod rôl hanfodol coedwigoedd trofannol wrth fynd i’r afael â’r argyfwng hinsawdd, a sut mae’n rhaid i ni gefnogi cymunedau brodorol a lleol i ddiogelu’r hinsawdd, bioamrywiaeth a bywoliaethau.
(iii) ymgyrchu i sbarduno newid mewn polisi, ac yn galw ar Gymru i ddod yn genedl Dim Datgoedwigo gyntaf y byd, i ddiogelu coedwigoedd trofannol dramor.

Ein gweledigaeth yw helpu i greu dyfodol lle gall cymunedau coedwigoedd ffynnu ochr yn ochr â choedwigoedd trofannol iach - i wneud ein cenedl yn rhan o'r ateb, yn hytrach na mesur o'r broblem.

Gallwch ddysgu mwy am y diwylliant rydym wedi ymrwymo i'w feithrin yn Maint Cymru, drwy ddarllen ein Hegwyddorion Arweiniol yma. Mae'r rhain yn llywio'r ffyrdd rydym yn rhyngweithio, y penderfyniadau a wnawn, a'r gwaith a wnawn.

**Y Rôl**

Bydd y swyddog allgymorth addysg yn gyfrifol am gyflwyno ein rhaglen addysg gyffrous a phoblogaidd ar newid yn yr hinsawdd mewn ysgolion ar draws Cymru. Byddant yn cynllunio ac yn cyflwyno gweithdai hwyliog ac ysbrydoledig am bwysigrwydd coedwigoedd trofannol i ddisgyblion o bob oedran.

Bydd yr ymgeisydd delfrydol yn ymarferydd brwdfrydig ac ymroddedig, sydd â phrofiad o weithio o fewn y system addysg yng Nghymru. Bydd ganddynt ddiddordeb ym mhwysigrwydd coedwigoedd trofannol a newid yn yr hinsawdd, a byddant yn barod i gymryd rhan mewn hyfforddiant pellach ar y pynciau hyn.

Cyfrifoldebau:

- Datblygu gweithdai a chynulliadau dan do ac awyr agored sy'n briodol i oedran ar goedwigoedd trofannol a newid yn yr hinsawdd, i'w cyflwyno mewn ysgolion
- Hyrwyddo'r rhaglen addysg, ac adeiladu perthnasoedd cryf gydag ysgolion
- Casglu data gan ysgolion at ddibenion monitro a gwerthuso, ac ysgrifennu astudiaethau achos ar y camau a gymerwyd gan ddisgyblion ac ysgolion ar newid yn yr hinsawdd, o ganlyniad i'n hymgysylltiad.
- Parhau i gael yr wybodaeth ddiweddaraf am ddatblygiadau perthnasol mewn perthynas ag addysg, cwricwlwm Cymru a rhaglenni addysg amgylcheddol ac ymgysylltu ag ieuenctid eraill, yn enwedig yng Nghymru
- Parhau i gael yr wybodaeth ddiweddaraf am ddatblygiadau allweddol ar newid yn yr hinsawdd a choedwigoedd trofannol
- Gweithio'n agos gyda'r Rheolwr Addysg a swyddogion allgymorth addysg eraill, i ddatblygu cynnwys gweithdai a datblygu mentrau newydd
- Cynrychioli Maint Cymru mewn rhai digwyddiadau a chynadleddau
- Yn barod i gynnwys yr egwyddorion tegwch, amrywiaeth a chynhwysiant

Bydd yr ymgeisydd llwyddiannus yn cael croeso mawr fel aelod o'r tîm, ac yn cymryd rhan mewn cyfarfodydd a digwyddiadau tîm yn rheolaidd, ac yn cyfrannu at ddatblygiad sefydliadol yr elusen ac mewn hyrwyddo eich datblygiad proffesiynol parhaus yn unol â'ch rôl a thu hwnt.

**Meini Prawf Dethol**

Isafswm y meini prawf ar gyfer dewis cyfweleion yw 60% o'r Meini Prawf Dethol. Gweler y Tabl Asesu - Meini Prawf Dethol am fanylion
- Cymhwyster neu brofiad perthnasol o gyflwyno sesiynau gyda phobl ifanc o oedran ysgol.
- Siaradwr Cymraeg rhugl
- Arddull cyflwyno deniadol, brwdfrydig.
- Y gallu i reoli amser yn effeithiol a blaenoriaethu llwyth gwaith eich hun.
- Sgiliau cyfathrebu rhagorol, a'r gallu i adeiladu perthnasoedd cryf gydag ysgolion
- Yn deall neu yn barod i ddysgu am bynciau amgylcheddol fel newid yn yr hinsawdd, cyfiawnder hinsawdd a datgoedwigo.
- Prosiect sgiliau trefnu da a'r gallu i gyrraedd targedau.
- Sgiliau TG da, gan gynnwys Microsoft Office, a Google Suite
- Gwybodaeth a dealltwriaeth o ddiogelu, gan gynnwys materion diogelu digidol.
- Yn barod i deithio ar draws Cymru.

Bydd hyfforddiant yn cael ei ddarparu i sicrhau bod pob ymgeisydd yn teimlo fel eu bod yn cael eu cefnogi yn eu rôl ac y