Cadeirydd

Mae S&you yn recriwtio Cadeirydd ar hyn o bryd ar ran Partneriaeth Actif Canolbarth y De (PACD).

Mae hon yn siwrnai at newid y tirlun chwaraeon a gweithgarwch corfforol cymunedol ledled Cymru a sut mae chwaraeon a gweithgarwch corfforol yn cael eu cyflwyno. Y nod yw creu newid sylweddol mewn lefelau chwaraeon a gweithgarwch corfforol ymhlith pobl Cymru. Gyda'n gilydd, rydyn ni wedi ymrwymo i gael mwy o bobl i fod yn actif drwy chwaraeon a gweithgarwch corfforol er mwyn i ni gyflawni ein gweledigaeth:

"Creu newid sylweddol yn iechyd a lles ein cymunedau lleol ni drwy gydweithio ar draws y rhanbarth, fel ein bod gyda'n gilydd yn mynd i'r afael ag anghydraddoldeb ac yn gwella lefelau gweithgarwch."

Bydd PACD yn gweithredu fel cwmni cyfyngedig drwy warant (gyda'r potensial i fabwysiadu statws elusennol ar yr amser priodol), o fewn fframwaith llywodraethu cadarn a thryloyw. Wrth galon y Bartneriaeth bydd Bwrdd cytbwys, cynhwysol, amrywiol a medrus a fydd yn canolbwyntio ar ein cyfeiriad strategol.

Gan gynnwys swydd y Cadeirydd, bydd y Bwrdd yn penodi rhwng chwech ac wyth aelod i adlewyrchu diddordebau'r sector chwaraeon a gweithgarwch corfforol a'r sgiliau a'r arbenigedd sydd eu hangen i gyflawni uchelgais Canolbarth De Cymru.

Manylion Allweddol

Lleoliad: Bydd lleoliad y cyfarfodydd yn newid am yn ail ar draws cyfleusterau partneriaid yng Nghanolbarth De Cymru.

Tymor: Pedair blynedd gydag ail dymor (yn amodol ar gymeradwyaeth) o dair blynedd.

Tâl: £5,000 y flwyddyn, ynghyd ag unrhyw gostau rhesymol sy'n codi wrth gyflawni dyletswyddau yn unol â Pholisi Cyllid a Gweinyddu PACD.

Ymrwymiad: I ddechrau bydd y Bwrdd yn cyfarfod yn fisol, ond bydd yr amledd yn cael ei adolygu yn dilyn y chwe mis cyntaf o weithredu wrth iddo ddod yn fwy sefydledig.

Pwrpas

Prif rôl Bwrdd PACD yw sicrhau bod cyfeiriad strategol ac amcanion PACD yn cael eu datblygu, monitro perfformiad a defnyddio gwybodaeth a dysg i wella a thargedu ei darpariaeth yn barhaus. Bydd PACD yn gweithio gyda Chwaraeon Cymru i fuddsoddi yn y rhanbarth yn flynyddol.

Rôl y Cadeirydd

Mae hwn yn gyfle cyffrous i arweinydd profiadol, trawsnewidiol a all helpu i lunio dyfodol chwaraeon a gweithgarwch corfforol yng Nghanolbarth De Cymru. Rydyn ni'n chwilio am unigolyn ysbrydoledig sy'n angerddol am werth ac effaith chwaraeon a gweithgarwch corfforol cymunedol a'r gred y dylai pawb fod yn actif gyda'i gilydd, am oes. Bydd hon yn rôl proffil uchel, yn dylanwadu ar bolisi a strategaeth ranbarthol a chenedlaethol ac ar flaen y gad o ran dylunio a datblygu chwaraeon a gweithgarwch corfforol cymunedol yng Nghymru.

Gan weithio gyda'r Tîm Gweithredol, rôl y Cadeirydd yw darparu arweinyddiaeth effeithiol a chyfeiriad strategol, gan ganolbwyntio ar weledigaeth, gwerthoedd craidd, llywodraethu ac amcanion PACD gan sicrhau'r canlynol:

• Mae gweledigaeth glir, cyfeiriad strategol ac amcanion ar gyfer y rhanbarth.
• Mae digon o adnoddau cynaliadwy i gyflawni'r cynllun strategol hyd at 2028 a thu hwnt. Mae hyn yn cynnwys y gallu i arallgyfeirio ffrydiau refeniw, gan gynnwys cyllid a chyfleoedd masnachol gyda phartneriaid a noddwyr, a hefyd sicrhau bod gan y sefydliad reolaeth a chysylltiadau rhanddeiliaid rhagorol.
• Mae'r Bwrdd yn canolbwyntio ar berfformiad sefydliadol, cynaliadwyedd ariannol a chyflawni ei nodau a'i amcanion corfforaethol.
• Cynhelir y safonau uchaf o ran llywodraethu corfforaethol a thegwch, a chydymffurfir â'r holl ofynion cyfreithiol a rheoleiddiol.
• Mae cyfathrebu effeithiol rhwng Aelodau'r Bwrdd a'r Tîm Gweithredol.
• Mae'r Arweinydd Strategol Rhanbarthol yn cael ei reoli, ei arwain a'i gefnogi.

Manyleb y Person

• Tystiolaeth o lwyddiant, o fewn neu'r tu allan i'r sector chwaraeon a gweithgarwch corfforol, mewn sefydliad rhanbarthol neu gydweithredol, Elusen, amgylchedd Corfforaethol, Iechyd, Tai, Addysg, Cydraddoldeb neu Wasanaethau Proffesiynol.
• Ymwybyddiaeth a dealltwriaeth o'r problemau sy'n wynebu cymunedau yng Nghanolbarth De Cymru.
• Tystiolaeth o arweinyddiaeth eithriadol.
• Tystiolaeth o arwain mewn amgylchedd o newid.
• Tystiolaeth o fod yn aelod o Fyrddau eraill, neu reolaeth arall, lle'r oedd arweinyddiaeth a chynllunio strategol yn rhan o'r rôl.
• Tystiolaeth o'r gallu i weithredu gyda phroffesiynoldeb a gonestrwydd, a gydag athroniaeth gref o degwch, cynhwysiant ac amrywiaeth
• Dealltwriaeth o sector chwaraeon Cymru a'r heriau sy'n wynebu sefydliadau chwaraeon ar lefel ddomestig a / neu ryngwladol (dymunol).
• Profiad o Lywodraethu Cyfreithiol a Chorfforaethol (dymunol).
• Siaradwr Cymraeg (dymunol).

Y Broses Ymgeisio

Dyddiad Cau: Hanner nos ar y 26ain o Fai 2024

Dyddiadau'r Cyfweliadau: Dydd Iau 13eg o Fehefin 2024

Gwnewch gais ar-lein a bydd ymgynghorydd o S&you yn cysylltu â chi i ddweud mwy wrthych chi ac i drafod y camau nesaf. Cofiwch, fel rhan o'ch cais, bydd gofyn i chi ddarparu'r canlynol:

1. CV wedi'i ddiweddaru
2. Datganiad ategol (Uchafswm o 1 Dudalen A4) yn nodi pam yr hoffech ymuno â'r bartneriaeth a pham rydych chi'n credu y byddech yn gwneud ymgeisydd credadwy, gan gyfeirio at y gofynion sydd ym manyleb y person.

Acorn by Synergie acts as an employment agency for permanent recruitment.