Cynorthwyydd / Assistant Cylch Meithrin Llanllyfni

Ydych chi eisiau gwneud gwahaniaeth i fywydau plant bach Cymru?

Dewch i ymuno â theulu Mudiad Meithrin - rydyn ni'n angerddol am roi'r dechrau gorau i blant.

**Y Mudiad**: Ry'n ni'n angerddol am roi'r cyfle i bob plentyn chwarae, dysgu a thyfu drwy'r Gymraeg, a'n nod yw gweld siaradwyr Cymraeg newydd yn ffynnu. Gwnawn hyn trwy ymgyrchu dros ofal ac addysg Gymraeg, cefnogi ein haelodau a chynllunio'n strategol i greu darpariaethau (Cylchoedd a Meithrinfeydd) newydd. Mae'n holl Gylchoedd a'n Meithrinfeydd Dydd yn cynnig gweithgareddau llawn hwyl i tua 22,000 o blant ifanc bob wythnos. Ry'n ni hefyd yn gweithio'n agos iawn gyda rhieni a gofalwyr er mwyn rhoi cefnogaeth a gwybodaeth iddynt ar ddewis addysg Gymraeg, rhoi'r Gymraeg i'w plant a lle i ddechrau dysgu Cymraeg.

Mae bron i 300 o staff yn rhan o deulu Mudiad Meithrin gyda 2,000 yn gweithio yn lleol yn y Cylchoedd a'r Meithrinfeydd dydd. Ry'n ni eisiau i'r Mudiad fod yn gyflogwr sy'n denu grŵp amrywiol o unigolion talentog i weithio iddo, gan aros a'n hargymell fel cyflogwr da. Rydym yn rhoi ein ffydd yn ein staff ac yn rhoi'r grym a chefnogaeth iddynt wneud eu gorau er lles ein haelodau, ein pobl a'u hunain. Mae adlewyrchu'r cymunedau ry'n ni'n cefnogi yn bwysig i ni felly rydym yn croesawu ceisiadau gan unigolion o bob cefndir.

**Gwerthoedd Gwaith Mudiad Meithrin**

Dyma'r gwerthoedd sydd yn llywio gwaith a gweithgarwch staff Mudiad Meithrin

Caredig a chyfrifol - dangos parch at ein hunain, at waith ein gilydd, at bob un sydd yn dod i gysylltiad ȃ ni yn ein gwaith ac at ein cynefin a'n byd

Tryloyw ac anrhydeddus - trwy dryloywder a gonestrwydd, bod yn atebol am ein penderfyniadau, bod yn barod i gyfaddawdu ac i ddysgu o'n camgymeriadau

Proffesiynol ac adeiladol - gwneud ein gorau o hyd gan anelu at greu gwaith o safon uchel, bod yn arloesi a mentro gan roi bri ar ddatblygu'n hunain

Cynhwysol a chroesawgar - gweithredu'r egwyddor fod y Gymraeg yn perthyn i bawb, ei fod yn gyfrwng i'n huno a'i bod yn sylfaenol i bob agwedd o'n gwaith

**Y Cylch**:Mae'r cylch yn darparu gofal ac addysg blynyddoedd cynnar o ansawdd i blant rhwng 2-4 mlwydd oed hyd at oed ysgol mewn awyrgylch deniadol, cyfeillgar a Chymreig. Caiff pob plentyn gyfle i gymryd rhan mewn amrywiaeth o weithgareddau sy'n hybu pob agwedd o'i ddatblygiad. Mae'r cylch wedi ei gofrestru gydag Arolygiaeth Gofal Cymru ac yn cael ei reoli gan is gwmni Mudiad Meithrin, sef Meithrinfeydd Cymru Cyf.

**Lleoliad**:Cylch Meithrin Llanllyfni, Neuadd Goffa Llanllyfni, Caernarfon, LL54 6SG

**Dyletswyddau'r Swydd**:
Bydd yn atebol i Brif Weithredwr Mudiad Meithrin trwy'r Rheolwr/Arweinydd y cylch ac yn gyfrifol am gyflawni'r dyletswyddau canlynol:

- Sicrhau bod pob plentyn yn derbyn gofal o'r safon uchaf ac yn derbyn sylw gofalgar, prydlon a chynhwysol.
- Dilyn holl bolisïau a gweithdrefnau'r cylch.
- Sicrhau bod trefniadau amser bwyd/snac yn cael eu gweithredu yn briodol.
- Sicrhau bod amserau bwyd yn cynnig profiadau cymdeithasol a phleserus i'r plant.
- Gweithredu rhaglen o weithgareddau creadigol ar gyfer plant er mwyn cwrdd â'i anghenion unigol.
- Meithrin datblygiad, hyder ac annibyniaeth pob plentyn gan gwrdd â'u hanghenion cymdeithasol ac emosiynol.
- Defnyddio'r dull Trochi gan sicrhau mai Cymraeg yw cyfrwng pob gweithgaredd.
- Sicrhau y darperir gweithgareddau chwarae yn yr awyr agored.
- Arddangos gwaith y plant.
- Cydweithio yn effeithiol ac effeithlon fel rhan o'r tîm a sicrhau mewnbwn i drefniadau'r dydd.
- Cydweithio gyda gweithwyr proffesiynol yn ôl yr angen a rhieni.
- Cydymffurfio a safonau Gofynnol a Rheoliadau AGC.
- Dilyn gweithdrefnau Hylendid ac Iechyd a Diogelwch.
- Sicrhau bod yr offer ac adnoddau yn ddiogel ac yn addas at ystod oedran.
- Sicrhau bod yr ystafell a'r cyfleusterau yn ddiogel, yn lan, yn ddeniadol ac yn groesawgar.
- Gweithio mewn partneriaeth gyda'r plant a'u rhieni mewn ffordd gynhwysol.
- Mynychu hyfforddiant perthnasol fel bo angen.
- Ymgymryd ag unrhyw ddyletswyddau ychwanegol sy'n berthnasol i'r swydd yn ôl cyfarwyddyd y Rheolwr/Arweinydd a'r Dirprwy Rheolwr Talaith.

Gwneud Cais: Bydd disgwyl i bob ymgeisydd gwblhau ffurflen gais ar gyfer y swydd. Ni dderbynnir CV yn lle ffurflen gais. Bydd disgwyl i'r ymgeiswyr nodi sut y maent yn ateb y gofynion hanfodol, a dymunol os yn berthnasol, fel y nodir yn y fanyleb person.

**Job Types**: Part-time, Temporary

Pay: £11.44 per hour

Expected hours: No less than 16 per week

Schedule:

- Day shift
- Monday to Friday

School type:

- Preschool

Ability to commute/relocate:

- Caernarfon, LL54 6SG: reliably commute or plan to relocate before starting work (required)

**Language**:

- Cymraeg / Welsh (required)

Work Location: In person

Application deadline: 30/04/2024

---