Prif Swyddog Cynllunio a Gwella

**Am Y Gwasanaeth**
Mae'r Gwasanaeth Perfformiad a Phartneriaethau yn gyfrifol am ystod eang o swyddogaethau corfforaethol sylweddol sy'n cefnogi'r Cyngor cyfan, a'i bartneriaid yn y gwasanaethau cyhoeddus.

Mae'n gyfrifol am gefnogi'r Cyngor i gyflawni ei agenda uchelgeisiol drwy drosi blaenoriaethau gwleidyddol yn amcanion sefydliadol a monitro cynnydd yr amcanion hyn gan ganolbwyntio ar gyflawni effeithiol, dadansoddi perfformiad a rhoi cipolwg ar sut y gall y Cyngor wella.

Wedi'i leoli o fewn y Gyfarwyddiaeth Pobl a Chymunedau, bydd hwn yn gyfle i weithio fel rhan o dîm talentog ac ymroddedig ar amrywiaeth o faterion polisi cyhoeddus.

**Am Y Swydd**
Mae hon yn rôl gynllunio a gwella gyffrous o fewn y Tîm Perfformiad a Mewnwelediad.

Byddwch yn gweithio gydag arweinyddiaeth wleidyddol a rheolaethol y sefydliad i gefnogi'r gwaith o ddatblygu dogfennau strategol allweddol, ac i sicrhau bod fframwaith perfformiad corfforaethol effeithiol yn cael ei gyflawni.

Byddwch yn rhan o dîm hynod frwdfrydig, ymroddedig a chefnogol, gydag ymrwymiad i wneud gwaith o safon uchel a chefnogi'r gwaith o ddarparu gwasanaethau cyhoeddus. Mae'r tîm yn gweithio'n agos gyda chydweithwyr ar draws y Cyngor, a'r gwasanaeth cyhoeddus ehangach, ar amrywiaeth o faterion sy'n cynnig cyfleoedd a phrofiadau gwych.

**Beth Rydym Ei Eisiau Gennych**
Rydym yn chwilio am unigolyn sydd â gwybodaeth ragorol am Lywodraeth Leol, amgylchedd Polisi Cymru, a chynllunio strategol.

Mae'n rhaid bod gennych hanes o weithio'n llwyddiannus gydag uwch reolwyr a sefydliadau partner, tra'n ymwybodol o'r amgylchedd gwleidyddol y mae'r Cyngor yn gweithredu ynddo.

Bydd gennych sgiliau cyfathrebu ac ysgrifennu rhagorol, a byddwch yn gallu cyflwyno gwybodaeth yn glir ac yn effeithiol ar gyfer amrywiaeth o wahanol gynulleidfaoedd.

Bydd gennych brofiad o wneud gwaith ymchwil a dadansoddi yn annibynnol ac fel rhan o dîm, a bydd gennych ddawn i ddatrys problemau, gallu nodi materion ac argymell opsiynau ar gyfer gwella.

Byddwch yn drefnus ac yn gallu rheoli eich tasgau eich hun yn effeithlon, a thasgau eraill, gan flaenoriaethu ac amserlennu gwaith yn ôl yr angen. Bydd gennych brofiad o reoli newid, a bydd gennych y gallu i gefnogi ac arwain prosiectau gwella.

Bydd lefel dda o gymhwysedd TGCh yn rhagofyniad, a byddai ymgyfarwyddo â meddalwedd mwy arbenigol ym maes dadansoddi data a delweddu data, gan gynnwys Microsoft Power BI, yn fanteisiol.

Yn bwysicaf oll, rydym yn annog ceisiadau gan unigolion sy'n frwd dros wella gwasanaethau cyhoeddus ac yn mwynhau gweithio fel rhan o dîm effeithiol.

**Gwybodaeth Ychwanegol**
Mae hon yn swydd barhaol.

Fel rhan o'r broses ymgeisio, sicrhewch eich bod yn defnyddio unrhyw brofiad addysgol, proffesiynol neu waith perthnasol i ddangos eich bod yn bodloni'r proffil ymgeisydd a nodir yn y Fanyleb Person amgaeedig.

**Oherwydd ein trefniadau gwaith diogel yn ystod cyfyngiadau Covid, ni allwn anfon pecynnau recriwtio drwy'r post. Ni allwn ychwaith dderbyn ffurflenni cais trwy'r post.**

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Mae’r swydd hon yn addas i'w rhannu.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO01937