Dadansoddwr Busnes

**Am Y Gwasanaeth**
Mae Cyngor Caerdydd yn sefydliad llywodraeth leol sy’n gyfrifol am ddarparu dros 700 o wahanol wasanaethau i’n dinasyddion, ymwelwyr a busnesau ledled Caerdydd.

Mae Tîm ystadegau Gwasanaethau Cwsmeriaid a Digidol y Cyngor yn cynnig cyfle i ymuno â nhw fel Rheolwr Dadansoddi Busnes gyda’r Gwasanaethau Cwsmeriaid.

Mae'r Tîm Ystadegau a Chymorth yn darparu ystadegau ar gyfer pob maes o fewn y timau gwasanaethau cwsmer a digidol, yn amrywio o brif ganolfan gyswllt Cyngor Caerdydd (C2C) i'r gwasanaeth Profi, Olrhain a Diogelu rydym yn ei redeg ar hyn o bryd ar ran Llywodraeth Cymru.

Ni yw'r arbenigwyr blaenllaw ar Microsoft PowerBI o fewn y Cyngor a rhoddir hyfforddiant llawn ar y pecyn Microsoft newydd hwn. Gellir ennill achrediad PowerBI wrth weithio yn y tîm, sy'n sgil gwerthfawr iawn yn y sector ystadegau a delweddu data.

**Am Y Swydd**
Yn y rôl hon fel Dadansoddwr Busnes byddwch yn dod i ddeall ein gwasanaeth ac yn dysgu datblygu ystod eang o sgiliau a phrofiad yn y gweithle, yn ogystal â meithrin gwybodaeth a dealltwriaeth o’r gwaith a’r cyfrifoldebau sy’n rhan o weithio mewn Llywodraeth Leol yng Nghaerdydd. Byddwch yn ennill profiad amhrisiadwy yn y meysydd canlynol:

- Gweithio fel aelod o dîm
- Defnyddio pecynnau Microsoft Office
- Creu a chynnal Modelau Data cymhleth o fewn Power BI
- Cynhyrchu ystadegau i fesur perfformiad
- Defnyddio meddalwedd blaengar rhyngweithiol Microsoft Power BI.
- Hyfforddiant llawn ar becynnau meddalwedd y gellid ei ddefnyddio yn ddiweddarach mewn swyddi eraill.
- Llinell gyntaf cymorth TG ar gyfer canolfan gyswllt brysur.
- Sgiliau dadansoddi data, rhagweld a dulliau cyflwyno.
- Cyfleoedd rhwydweithio trwy weithgorau a chyfarfodydd.

Bydd y tîm ysgolion yn eich helpu a'ch annog i ddatblygu yn y rôl a byddwch yn cael eich annog i gyflawni amrywiaeth o ddyletswyddau. Byddwch yn cael goruchwyliaeth ac hyfforddiant wrth weithio gan y Rheolwr Gweithredu a Chyflenwi a bydd gennych gefnogaeth i ddarparu adroddiadau a dadansoddiad ystyrlon mewn modd cadarnhaol, sy'n canolbwyntio ar gwsmeriaid.

Rydym yn dîm sy’n gweithio gartref a byddwch yn cael eich annog i ddatblygu'r sgiliau sydd eu hangen i gefnogi hyn. Pan fydd angen gweithio gartref, byddwch yn cael yr offer angenrheidiol, ond bydd angen i chi drefnu eich cysylltiad eich hun â’r rhyngrwyd.

**Beth Rydym Ei Eisiau Gennych**
Rydym yn chwilio am rywun sydd â phrofiad o ddarparu Dadansoddiadau Busnes a Data o fewn lleoliad gwasanaeth Cwsmeriaid sydd wedi cael effaith gadarnhaol ar y ddarpariaeth gwasanaethau ac ar gwsmeriaid. Bydd gan yr ymgeisydd llwyddiannus sgiliau cyfathrebu da gyda'r gallu i greu a rhannu dadansoddiadau a delweddu data ar gyfer cynulleidfa eang ac amrywiol. Bydd gan yr ymgeisydd llwyddiannus sgiliau cynllunio da gyda phrofiad o flaenoriaethu gwaith a’r gallu i weithio i derfynau amser tynn.

Bydd y rôl hon hefyd yn gyfrifol am reoli adroddiadau Power BI presennol a grëwyd gan y tîm a sicrhau bod adborth yn cael ei gasglu gan ddefnyddwyr a newidiadau’n cael eu rhoi ar waith ar sail y rhain.

Bydd dealltwriaeth sylfaenol o strwythurau ac egwyddorion prosiectau yn helpu'r ymgeisydd i lwyddo, a bydd dull gweithio trefnus a’r gallu i gadw dogfennau’n daclus yn sgil allweddol.

**Gwybodaeth Ychwanegol**
Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: RES01016