Cynorthwy-ydd Gweinyddol Comisiynu

**Am Y Gwasanaeth**
Mae gan Dîm Comisiynu Gwasanaethau Cymdeithasol Cyngor Caerdydd rôl allweddol o ran prynu gwasanaethau a rheoli a monitro'n gyffredinol y gwasanaethau hyn i gefnogi oedolion a phlant sy'n agored i niwed, ar draws holl swyddogaeth y Gwasanaethau Cymdeithasol. Ar hyn o bryd mae'r Gwasanaethau Cymdeithasol yn prynu gwerth tua £140 miliwn o wasanaethau allanol i ddinasyddion Caerdydd.

Prif flaenoriaethau'r Gwasanaeth yw:
Darparu gwasanaethau cymdeithasol o’r ansawdd uchaf posibl
- Integreiddio gwasanaethau iechyd a chymdeithasol
- Goresgyn y rhwystrau a chydlynu gwasanaethau yn y Gymuned ac ar draws y Cyngor
- Sicrhau gwerth am arian i'r Cyngor a thrigolion Caerdydd cymaint â phosibl

Bydd deiliad y swydd yn cyfrannu at wasanaeth cymorth busnes effeithiol yn Nhîm Contractau a Chomisiynu’r Gwasanaethau Oedolion yn unol â pholisïau, prosesau cymorth busnes a gweithdrefnau’r Cyngor.
**Am Y Swydd**
Bydd y Cynorthwy-ydd Gweinyddol Comisiynu yn gweithio o fewn Tîm Contractau a Chomisiynu’r Gwasanaethau Oedolion.

Bydd y rôl yn gyfrifol am y canlynol:

- Cynnig gwasanaeth derbynfa i’r tîm a chynnal systemau cymorth busnes effeithiol o safbwynt negeseuon ffôn, prosesu geiriau, cronfeydd data, cofrestrau, gohebiaeth, ysgrifennu cofnodion, ffotocopïo, ffeilio a chyflenwadau nwyddau swyddfa.
- Cefnogi'r tîm i gyflawni blaenoriaethau a phrosiectau comisiynu ar draws y swyddogaethau arbenigol
- Helpu gyda’r gwaith o weinyddu systemau sicrhau ansawdd a rheoli perfformiad ar gyfer gwasanaethau a gomisiynir

**Beth Rydym Ei Eisiau Gennych**
Mae pobl leol (gan gynnwys y rhai sy'n agored i niwed) yn dibynnu arnom i barhau i ddarparu gwasanaethau hyd yn oed yn y cyfnodau mwyaf heriol.

Rydym yn chwilio am unigolyn sydd wedi ymrwymo i ddarparu gwasanaethau cyhoeddus eithriadol yng Nghaerdydd.

Byddai’r gallu i siarad ieithoedd eraill, yn enwedig Cymraeg, ac Ieithoedd Cymunedol o fantais.
**Gwybodaeth Ychwanegol**
Mae’r swydd hon yn addas i'w rhannu.

Mae’r swydd yn destun Gwiriad Manwl gan y Gwasanaeth Datgelu a Gwahardd.

Rydym yn croesawu ceisiadau yn Gymraeg a Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO03664