Cydlynydd Cynghori

**Am Y Gwasanaeth**
Mae'r Tîm Cyngor Ariannol yn dîm Lles a Budd-daliadau sy'n gweld tua 1500 o bobl y mis gan nodi cymorth ariannol, grantiau a gostyngiadau a delio â dyledion. Mae'r Tîm yn ehangu oherwydd galw ac angen hanfodol y bobl sy’n ymweld â'r 20+ o leoliadau'r wythnos y mae'r tîm wedi ymrwymo i’w mynychu.

**Am Y Swydd**
Mae cyfle cyffrous wedi codi i unigolyn ymroddedig sydd â sgiliau gwasanaeth cwsmeriaid rhagorol, gwybodaeth Budd-daliadau Lles o safon uchel, profiad rheoli cryf a safon uchel o gyfathrebu i gefnogi gwaith y Tîm Cyngor Ariannol o ddydd i ddydd.

Bydd y cydlynydd yn gweithio ochr yn ochr â'r Mentor Cynghori a'r rheolwr Cyngor Ariannol i sicrhau bod y gwasanaeth yn cael ei gweithredu’n ddi-dor, sicrhau bod swyddi'n cael eu llenwi a bod cynghorwyr yn darparu cyngor ariannol o safon uchel i'r 20+ lleoliad y mae'r tîm yn eu mynychu ar hyn o bryd.

**Beth Rydym Ei Eisiau Gennych**
Bydd gan yr ymgeisydd llwyddiannus safon uchel o wybodaeth am y pynciau sy'n gysylltiedig â chymorth Cyngor Ariannol, sef Budd-daliadau Lles a Chynyddu Incwm, y Dreth Gyngor a Gostyngiad y Dreth Gyngor yn ogystal â gwybodaeth am y nifer o wahanol randdeiliaid a phartneriaid y mae'r gwasanaeth yn ymwneud â nhw.

Yn ogystal â hyn, ac i sicrhau bod y gwasanaeth amrywiol hwn yn gweithio’n ddi-dor, bydd gan yr ymgeisydd llwyddiannus wybodaeth a phrofiad o recriwtio a phob agwedd ar gyfrifoldebau Adnoddau Dynol sy'n gysylltiedig â rheoli tîm.

Bydd y rôl hefyd yn cynnwys cofnodi ystadegau ac adrodd yn ôl i'r Rheolwr Cyngor Ariannol gyda gwybodaeth am unrhyw amrywiadau y gwasanaeth sy'n effeithio ar gyflawni’r gwasanaethau.

**Gwybodaeth Ychwanegol**
Swydd dros dro llawn amser yw hon tan 31 Mawrth 2024.

**Rhaid i ymgeiswyr mewnol sy'n dymuno gwneud cais am y swydd hon ar sail secondiad gael cymeradwyaeth cyn gwneud cais gan ddefnyddio Ffurflen SEC1 (4.C.081). Dim ond y Cyfarwyddwr / Cyfarwyddwr Cynorthwyol / Prif Swyddog neu uwch swyddog enwebedig perthnasol ar radd nad yw’n is nag RhG2, neu yn achos staff mewn ysgolion, y Pennaeth / Corff Llywodraethu, all gymeradwyo ceisiadau.**

Mae’r swydd yn destun Gwiriad Manwl gan y Gwasanaeth Datgelu a Gwahardd.

Byddai’r gallu i siarad ieithoedd eraill, yn benodol Cymraeg/Saesneg, Somalieg, Arabeg neu Bwyleg, o fantais.

Bydd gofyn i chi weithio gyda’r nos ac ar benwythnosau yn ôl rota.

Mae’r swydd hon yn addas i'w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Os hoffech gael rhagor o wybodaeth am y swydd hon, cysylltwch â Carlos Ruiz ar 02920 871071.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO02997