Prif Gyfreithiwr Cymuned

**Am Y Gwasanaeth**
Caerdydd yw un o’r dinasoedd mwyaf medrus ac sy’n tyfu gyflymaf ym Mhrydain gyda Gwasanaeth Cyfreithiol mewnol ag achrediad Lexcel. Mae gennym gyfle gwych i ymarferydd cyfreithiol diwyd, hyblyg a llawn cymhelliant ymuno â Gwasanaeth Cyfreithiol Cyngor Caerdydd yn Neuadd y Sir yng nghanol Bae Caerdydd gyda chysylltiadau trafnidiaeth a chyfleusterau parcio da.

Rydym yn Wasanaeth Cyfreithiol mewnol llwyddiannus ag achrediad Lexcel sy'n cyflogi cyfreithwyr arbenigol mewn gwaith ymgyfreitha, caffael, eiddo, cynllunio, llywodraethu, gofal plant a gwasanaethau cymdeithasol oedolion. Fel Cyfarwyddiaeth Llywodraethu a Gwasanaethau Cyfreithiol, rydym yn gweithio'n agos gyda chydweithwyr ar draws gwasanaethau'r Cyngor, gan ddarparu gwasanaeth ardderchog a chynhwysfawr i'n cleientiaid. Roedd ein harolwg cleientiaid diweddaraf yn dangos bod 88.9% o'n cleientiaid yn fodlon neu'n fwy na bodlon ar ein gwasanaeth.

Mae gennym gyfreithwyr arbenigol sy’n ymgymryd â gwaith ymgyfreitha, caffael, eiddo, cynllunio, llywodraethu, gofal plant a gwasanaethau cymdeithasol i oedolion, a’n nod yw darparu gwasanaeth rhagorol a chynhwysol i’n cleientiaid.

Mae'r gwasanaeth yn gweithredu model gweithio hybrid sy'n galluogi gweithwyr i weithio’n hyblyg o gartref neu mewn swyddfa, yn dibynnu ar ofynion y gwasanaeth. Mae gennym system rheoli achosion modern, llyfrgell gyfreithiol ar-lein a thîm cymorth busnes bach.

**Am Y Swydd**
Cyfreithiwr neu Fargyfreithiwr profiadol (neu gyfwerth) i fod yn aelod allweddol o dîm cyfreithiol cymunedol y Cyngor, rheoli rhan o'r tîm, bod yn aelod o Dîm Rheoli’r Gyfarwyddiaeth a chyfrannu ato, dirprwyo ar gyfer y Rheolwr Gweithredol ac ar adegau y Cyfarwyddwr Cyfreithiol a Llywodraethu ac ymgymryd ag ystod eang o waith y Gwasanaethau Plant a’r Gwasanaethau Oedolion. Bydd y swydd yn cynnwys rhoi cyngor a pharatoi ceisiadau i’r Llys a bydd yn cynnwys eiriolaeth.

Rhaid bod gan yr ymgeisydd llwyddiannus brofiad o waith gofal plant llywodraeth leol a’r gallu i ysgogi a rheoli staff a datblygu systemau a phrosesau gwaith gyda’r tîm.

**Beth Rydym Ei Eisiau Gennych**
Rydym yn chwilio am ymgeiswyr o safon uchel sydd â diddordeb mewn llywodraeth leol, profiad perthnasol, y gallu i reoli staff a chynghori uwch swyddogion a gwleidyddion ac sy'n gallu delio â llwyth gwaith amrywiol a heriol.

Rydym yn disgwyl i unigolion a benodir gymryd cyfrifoldeb personol i gyflawni mewn ffordd ragorol, gweithio gydag eraill i gyrraedd y canlyniadau gorau posibl, i addasu i newid a manteisio ar gyfleoedd newydd, defnyddio’r adnoddau sydd ar gael yn y modd gorau posibl ac i feddwl a gweithredu er budd gorau’r Cyngor.

**Gwybodaeth Ychwanegol**
Nid yw polisi amser hyblyg y Cyngor yn berthnasol; fodd bynnag, mae’r swydd yn agored i unigolion sy’n dymuno bod â phatrymau gwaith hyblyg, yn amodol ar fodloni anghenion ein cleientiaid a dangos ystyriaeth i drefniadau gwaith aelodau presennol y tîm.

Mae’r swydd hon yn gyfyngedig yn wleidyddol.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Oherwydd y trefniadau gwaith dros dro presennol, ni allwn ddarparu pecynnau recriwtio na derbyn ffurflenni cais drwy'r post.

Y bwriad yw cynnal cyfweliadau ym mis Chwefror / Mawrth.

Job Reference: RES00980