Uwch Swyddog Asesu a Chymorth

**Am Y Gwasanaeth**
Mae Gwasanaeth Llety â Chymorth ac Adran Asesu Cyngor Caerdydd yn cynnig llety, cyngor a chymorth i unigolion a theuluoedd agored i niwed y mae angen tai arnynt.

Mae ein gwasanaethau yn rhedeg 24/7 365 diwrnod y flwyddyn.

**Am Y Swydd**
Mae’r swydd Uwch Swyddog Asesu a Chymorth yn gyfle cyffrous i unigolyn ymrwymedig reoli adran o’r Tîm Amlddisgyblaethol.

Prif amcanion y rôl fydd rheoli tîm o Gydlynwyr Achosion a bod yn gyfrifol am reoli a lleihau nifer y bobl sy’n cysgu ar y stryd yng Nghaerdydd.

Mae’r Cydlynwyr Achosion yn rhoi cymorth i gleientiaid agored i niwed i sicrhau a chynnal llety â’r nod o baratoi i fyw’n annibynnol.

**Beth Rydym Ei Eisiau Gennych**
Rydym yn chwilio am unigolion dynamig a chreadigol a all feithrin perthnasoedd cadarnhaol. Bydd angen i ddeiliad y swydd feddu ar brofiad o reoli tîm ynghyd â'r gallu i arwain a chynnig cymorth i dîm prysur.

Mae hwn yn gyfle cyffrous ac rydym yn chwilio am amrywiaeth o bobl o gefndiroedd gwaith gwahanol i wneud gwahaniaeth gwirioneddol. Byddai profiad o weithio gyda phobl ag ymddygiadau cymhleth a dealltwriaeth o’r problemau a wynebir gan unigolion digartref yn fanteisiol.

Gall y gwaith hwn fod yn heriol felly bydd y gallu i aros yn ddigynnwrf o dan bwysau yn fantais. Bydd y rôl yn gofyn i'r ymgeiswyr llwyddiannus roi cymorth i’r tîm rheoli gyda phob agwedd ar y gwasanaeth.

**Gwybodaeth Ychwanegol**
Mae’r swydd hon yn amodol ar Wiriadau Manwl gan y Gwasanaeth Datgelu a Gwahardd.

Dylai ymgeiswyr mewnol sy’n dymuno gwneud cais am y swydd hon ar secondiad gael caniatâd cyn ymgeisio trwy lenwi ffurflen SEC1 (4.C.081). Dim ond y canlynol sy’n gallu cymeradwyo ceisiadau: y Cyfarwyddwr/Cyfarwyddwr Cynorthwyol/Prif Swyddog neu’r Uwch Swyddog Enwebedig perthnasol, nad yw ar raddfa is na RhG2 neu, yn achos staff ysgol, y Pennaeth/Corff Llywodraethu.

Mae’r swydd hon yn addas i’w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

O ganlyniad i’r amgylchiadau COVID-19 presennol, bydd y broses gyfweld ar gyfer y rôl hon yn cael ei chynnal ar sail rithwir gan ddefnyddio platfform ar-lein priodol.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: PEO02828