Swyddog Marchnata Masnachol

Swyddog Marchnata Masnachol Cefndir Gweithgarwch Masnachu Mentrau AOCC Yn 2003 sefydlodd Amgueddfa Cymru gangen fasnachol ar wahân dan yr enw Mentrau AOCC Cyfyngedig. Mae’r gwaith masnachol ar hyn o bryd yn cynnwys rheoli:

- Siopau Amgueddfa Cymru yn: a. Amgueddfa Genedlaethol Caerdydd b. Sain Ffagan Amgueddfa Werin Cymru c. Amgueddfa Lleng Rufeinig Cymru d. Amgueddfa Lechi Cymru e. Big Pit Amgueddfa Lofaol Cymru f. Amgueddfa Wlân Cymru g. Amgueddfa Genedlaethol y Glannau
- E-fasnach ac archebion post, wedi’u rheoli’n ganolog o Amgueddfa Genedlaethol Caerdydd.
- Meysydd parcio Amgueddfa Genedlaethol Caerdydd, Sain Ffagan Amgueddfa Werin Cymru a Big Pit Amgueddfa Lofaol Cymru.
- Trwyddedu delweddau, wedi’i reoli’n ganolog o Amgueddfa Genedlaethol Caerdydd.
- Gwasanaeth llogi cyfleusterau preifat, yn bennaf yn Amgueddfa Genedlaethol Caerdydd, Sain Ffagan Amgueddfa Werin Cymru ac Amgueddfa Genedlaethol y Glannau.
- Gwasanaeth arlwyo masnachfraint yn Amgueddfa Genedlaethol Caerdydd, Sain Ffagan Amgueddfa Werin Cymru ac Amgueddfa Genedlaethol y Glannau.
- Rheoli safleoedd gwerthu gaiff eu rhoi ar rent i drydydd partïon yn Amgueddfa Genedlaethol y Glannau.
- Projectau ffilmio masnachol ym mhob amgueddfa gan gynnwys y Ganolfan Gasgliadau.
- Projectau masnachol eraill yn cynnwys siopau dros-dro, cwrs rhaffau uchel CoedLan, a'r profiad realiti rhithwir ymysg eraill.
- Gwasanaeth arlwyo mewnol yn Amgueddfa Lechi Cymru, Amgueddfa Wlân Cymru a Big Pit Amgueddfa Lofaol Cymru. Eich gwaithCynnig cefnogaeth i Mentrau AOCC Cyf i helpu i dyfu ffrydiau refeniw drwy greu ymgyrchoedd marchnata, sefydlu safonau ansawdd brand Mentrau, dylunio cynigion arbennig ac adrodd ar ddata ymwelwyr i'n caffis a'n siopau. Byddwch yn codi ymwybyddiaeth o'r cynnig masnachol ar draws pob sianel marchnata a chyfathrebu. Y Pennaeth Mentrau fydd eich rheolwr llinell chi. Eich nod
- Helpu i gynyddu incwm drwy ymgyrchoedd marchnata wedi'u teilwra, gan sicrhau eu bod yn alinio ag ymgyrchoedd a strategaeth yr Adran Marchnata a Chyfathrebu, a chyflwyno'r brand newydd
- Datblygu cynlluniau a chynigion marchnata a'u rhoi ar waith ym mhob menter fasnachol Mentrau, gan gynnwys Arlwyo (mewnol a chontract), Manwerthu a Llogi Masnachol
- Gweithio yn agos â'r adran Marchnata a Chyfathrebu, gan sicrhau bod eich gwaith yn cyd-fynd â chwmpas eang eu gwaith, wrth hyrwyddo cyfleoedd am rannu negeseuon codi arian
- Cysylltu ag adrannau perthnasol eraill i sicrhau y caiff yr adran Mentrau ei chynrychioli, er enghraifft, yr Adran Digwyddiadau a Rhaglenni Cyhoeddus
- Ar y cyd â'r tîm Craffu ar Gynulleidfaoedd, dadansoddi data ymwelwyr i helpu i lywio penderfyniadau marchnata a masnachol
- Dylunio a chreu portffolio o ddeunydd marchnata ar gyfer Mentrau, gan gynnwys gwaith graffeg, pamffledi digidol a phrint Sut i gyrraedd y nod...
- Arwain ar weithgarwch hyrwyddo i gynyddu busnes a refeniw sy'n cyd-fynd â brand Amgueddfa Cymru
- Datblygu dulliau creadigol o hyrwyddo cynnyrch masnachol
- Gweithio gyda thimau Mentrau i sicrhau bod ymchwil i'r farchnad yn llywio cyfeiriad y busnes a gweithgarwch hyrwyddo priodol
- Creu perthynas adeiladol â phob safle ac adran Amgueddfa Cymru
- Gweithio gyda'r tîm Craffu ar Gynulleidfaoedd i werthuso perfformiad ymgyrchoedd marchnata a monitro enillion ar fuddsoddiad
- Cyflawni mentrau hyrwyddo sy'n canolbwyntio ar gynyddu refeniw, gan sicrhau bod holl weithgarwch wedi'i gydlynu a'i alinio â'r brand.
- Helpu i ddarganfod cyfleoedd marchnata newydd er budd masnachol, sydd wedi’u halinio ag amcanion adran Marchnata a Chyfathrebu Amgueddfa Cymru.
- Cefnogi gweithgarwch marchnata ad-hoc ar draws y 7 safle
- Derbyn hyfforddiant i allu rheoli meysydd perthnasol ar y system werthu (EPOS) a’r system Rheoli Cysylltiadau Cwsmeriaid (CRM) i lefel hyfedredd
- Gweithio gyda rheolwyr Mentrau a'r Rheolwr Brand i gefnogi'r gwaith o greu ac archwilio safonau ansawdd brand Mentrau ar draws y safleoedd, a sicrhau y caiff brand Amgueddfa Cymru ei fabwysiadau ar draws ein cynnig masnachol
- Datblygu perthynas rhanddeiliaid perthnasol â phartneriaid megis Croeso Caerdydd a Croeso Cymru Sut i gefnogi amcanion corfforaethol Amgueddfa Cymru... 1. Ymroi yn llawn i gefnogi egwyddorion cyfle cyfartal fel yr amlinellir ym Mholisi Cydraddoldeb ac Amrywiaeth y sefydliad a’u gweithredu. 2. Cefnogi gwaith yr adran o gydymffurfio â pholisïau Amgueddfa Cymru ar Gynaliadwyedd a’r iaith Gymraeg. 3. Cymryd gofal rhesymol o’ch iechyd a’ch diogelwch eich hun ac eraill y gallai eich gweithredoedd, neu eich diffyg gweithredu, effeithio arnynt, a chydymffurfio â’r holl ddeddfwriaeth iechyd a diogelwch fel sy’n briodol. 4. Yn rhan o delerau’ch cyflogaeth, mae’n bosibl y gofynnir i chi ymgymryd â dyletswyddau eraill a/neu weithio oriau eraill fel sy’n rhesymol, yn unol â’ch gradd neu’ch lefel cyfrifoldeb cyffredinol o fewn y sefydliad. Rydyn ni’n chwilio am berson
- Sy'n frwd dros waith Amgueddfa Cymru
- Unigolyn creadigol a b