Partner Cyswllt Ac Ysgrifennydd Grwp Nfu Cymru

**Cyfle fel Asiant NFU Mutual yng Nghaerfyrddin**

**Busnes ffyniannus gyda threftadaeth a chyfle i dyfu yn y dyfodol**

Fel Partner o fewn Asiantaeth Ganolog Sir Gaerfyrddin, mi fydd gennych gyfle unigryw i redeg a datblygu busnes yswiriant sydd eisoes yn un llwyddiannus mewn partneriaeth â’r Asiantau presennol.

Mae gan yr asiantaeth, sy’n enw cyfarwydd ac yn uchel ei pharch yn y gymuned fusnes leol, lawer o gwsmeriaid ffyddlon ac mae’n darparu gwasanaethau i gymysgedd deniadol o fusnesau o fewn a’r tu allan i’r sector ffermio. Mae’r asiantaeth wedi tyfu’n gysonac mae wedi adeiladu ar y llwyddiant hwn, a dyma yw eich cyfle i hybu twf newydd y busnes mewn marchnadoedd targed amrywiol, sy’n ymestyn y tu hwnt i’r gymuned ffermio.

Mae hwn yn dîm sy’n rhoi’r cwsmeriaid yng nghalon popeth mae’n ei wneud. Dyna sy’n sail i enw da’r asiantaeth. Gan arwain o’r blaen, mi fydd gwnnych rôl allweddol o feithrin perthnasoedd â chwsmeriaid presennol yn ogystal â datblygu rhai newydd. O ddyddi ddydd, mi fyddwch yn gyfrifol am symbylu, cefnogi a datblygu eich tîm i gyflawni canlyniadau rhagorol dro ar ôl tro ac ar yr un pryd mi fyddwch hefyd yn gyfrifol am ddatblygu eich perfformiad gwerthu eich hun, gan wneud cyfraniad gwerthfawr at gyflawni uchelgaisy gangen i dyfu.

**Amdanoch Chi**

Rydych eisoes yn bennaeth arnoch eich hun, ac rydych yn awchu am y cyfle i lunio cynlluniau busnes a datblygu strategaethau sy’n darparu gwasanaeth proffesiynol a phersonol i amrywiaeth eang o gwsmeriaid.

Rydych yn gyfathrebwr rhagorol, rydych yn dda â phobl o bob math o gefndiroedd, o berchnogion ffermydd i brif swyddogion gweithredol. Bydd eich penderfyniad i gael canlyniadau da a’ch ymrwymiad i ofal cwsmeriaid yn ysbrydoli eraill i ddilyn eich esiampl.

Gydag agwedd gydweithredol, bositif a chefnogol, mi wyddoch sut i recriwtio, gwobrwyo a datblygu eraill i ddarparu gwasanaeth personol gan sicrhau cydymffurfiaeth â’r holl reoliadau a safonau perthnasol.

Er y byddai’n fuddiol meddu ar wybodaeth am yswiriant neu wasanaethau ariannol, daw ein Hasiantau presennol o amrywiaeth eang o gefndiroedd. Yr hyn sy’n bwysig yw eich doniau masnachol, eich talent i feithrin perthnasoedd a’ch sgiliau pobl greddfol i gyd-redegbusnes a reoleiddir o dan frand uchel ei barch NFU Mutual.

O gofio’r rôl ychwanegol fel Ysgrifennydd Grwp NFU Cymru, bydd diddordeb byw mewn amaethyddiaeth a materion gwledig yn gaffaeliad mawr.

**Ysgrifennydd Grwp NFU Cymru**

Ers dros 110 o flynyddoedd, mae NFU Cymru a NFU Mutual wedi mwynhau perthynas agos, gan weithio â’i gilydd i ddarparu gwasanaeth o’r radd flaenaf i’r gymuned ffermio a gwledig ehangach.

Wrth gyfuno eich dyletswyddau fel Ysgrifennydd Grwp â’ch gwaith fel Asiant i NFU Mutual, mi gewch gyfle i ganfod ac i fanteisio ar gyfleoedd i sicrhau busnes newydd ac i gyflwyno’r hyn sydd gan NFU Cymru a NFU Mutual i’w gynnig i gynulleidfa ehangach. Maecysylltiad anhepgor rhwng y ddwy rôl.

**Gwobrwyon a Buddiannau**

Fel Asiant hunangyflogedig, dylech ddisgwyl ennill hyd at £40k yn eich blwyddyn gyntaf, gyda rhagolygon gwirioneddol i gynyddu eich enillion yn unol â thwf yr asiantaeth. Eich brwdfrydedd, eich gweledigaeth a’r uchelgais bersonol yw’r unig beth all gyfynguar eich enillion posibl yn y blynyddoedd i ddod.

Mae’r cyfle hunangyflogaeth unigryw hwn yn rhoi’r rhyddid i chi i redeg busnes presennol gyda chefnogaeth sefydliad mawr, sydd ag enw da a’r rhyddid o fod yn bennaeth arnoch eich hun.

Yn ogystal â chymorth buddsoddi, mi fydd gennych fynediad at ystod lawn o gyrsiau yn ein Hacademi Hyfforddi bwrpasol, sy’n cynnwys gwerthu, cynllunio busnes ac ariannol, recriwtio tîm a chynnyrch NFU Mutual. Byddwn hefyd yn eich helpu i gael ardystiad ySefydliad Yswiriant Siartredig.

**Rhwydwaith Asiantaethau NFU Mutual**

Mae NFU Mutual yn fusnes gwasanaethau yswiriant ac ariannol sydd wedi ennill gwobrau ac sy’n cynnig cynnyrch a gwasanaethau o safon uchel i amrywiaeth o gwsmeriaid, o ddeiliaid polisi unigol i fusnesau mawr.

Rydym yn ymfalchïo yn ein Rhwydwaith Asiantaethau NFU Mutual sy’n cynnwys dros 250 o asiantaethau ledled y DU. Mae ein hasiantaethau’n cael eu rhedeg gan Asiantau hunangyflogedig sy’n mwynhau cyfle unigryw i adeiladu, arwain a thyfu busnesau lleol llwyddiannus,a hynny fel arfer mewn partneriaeth ag un neu ragor o Asiantau eraill.

Drwy ein gwasanaeth personol eithriadol a’n cyngor gonest, rydym yn datblygu perthnasoedd hirhoedlog â’n cwsmeriaid ac yn cadw 95% o’n busnes bob blwyddyn, ar gyfartaledd.

**A hoffech wybod mwy?**

Os hoffech ddysgu mwy am y rôl hon fel Partner hunangyflogedig gyda Rhwydwaith Asiantaethau NFU Mutual, cysylltwch â

Stephan Papantoniou. E-bost:Ffôn:
Neu Rosie Cund. E-bost:Ffôn: