Swyddog Cymdogaeth

**Amdanom ni**

Mae'r swyddi uchod yn bodoli o fewn Grŵp Peirianneg Adran Gwasanaethau Cymdogaeth a Thrafnidiaeth Cyngor Bro Morgannwg ac yn rhan o dîm Cynnal a Chadw Priffyrdd prysur.

Mae'r Tîm Cynnal a Chadw Priffyrdd yn gyfrifol am sicrhau bod yr holl asedau a fabwysiadwyd yn cael eu harolygu'n rheolaidd ac ymatebir i ymholiadau cyhoeddus yn brydlon, felly rydym am recriwtio swyddog â chymwysterau a phrofiad addas o fewn y tîm i ymgymryd â'r gwaith hwn.

Bydd yn ofynnol i'r swyddog gydgysylltu'n benodol â Chontractwyr allanol, aelodau o'r cyhoedd a Chynghorwyr i sicrhau cyfathrebu da drwyddi draw, wrth sicrhau bod y rhwydwaith yn cael ei arolygu ac mewn cyflwr diogel.

**Ynglŷn â'r rôl**

Manylion y Cyflog: Gradd 6, PCG 14-19, £23,484 - £25,927

Oriau Gwaith / Patrwm Gwaith: 37 awr/52 wythnos

Prif Weithle: Depo’r Alpau, Gwenfô

**Disgrifiad**:
Yn bennaf, bydd yn ofynnol i'r Swyddog Cymdogaeth Archwilio a Gorfodi fynychu cyfarfodydd safle â chontractwyr a sicrhau bod yr asedau mabwysiedig yn ddiogel ac yn ddirwystr.

Bydd hefyd yn ofynnol i'r ymgeisydd reoli cwynion y cyhoedd a Chynghorwyr sy'n effeithio ar briffordd gyhoeddus a gellir gwneud hyn trwy gyfnewid negeseuon e-bost, ar lafar ac wyneb yn wyneb.

**Amdanat ti**
Bydd angen y canlynol arnoch:

- Profiad o gynnal a chadw priffyrdd neu brofiad technegol o beirianneg priffyrdd.
- Cymwysterau’r Ddeddf Ffyrdd Newydd a Gwaith Stryd
- Sgiliau cyfathrebu da, yn ysgrifenedig ac ar lafar
- Agwedd ymarferol tuag at ddelio â chwynion
- Hunangymhelliant a’r gallu i ysgogi a chyfathrebu’n effeithiol â staff ac aelodau o’r cyhoedd.
- Gwybodaeth am arferion peirianneg, Deddf Priffyrdd (1980) a Deddf Ffyrdd Newydd a Gwaith Stryd 1991.
- Y gallu i weithio’n effeithiol ac effeithlon mewn amgylchedd prysur.
- Y gallu i weithio o'ch pen a'ch pastwn eich hun ac fel aelod o dîm
- Y gallu i lunio a blaenoriaethu eich llwyth gwaith eich hun.
- Y gallu i yrru/teithio ar hyd a lled y Fro neu rhwng lleoliadau fel y bo'n briodol.

**Gwybodaeth Ychwanegol**

A oes angen gwiriad GDG? Nac oes

I gael rhagor o wybodaeth cysylltwch â: Nathan Thomas

Gweler y disgrifiad swydd/manyleb person atodol am ragor o wybodaeth.

Job Reference: EHS00351