Web Developer

Gwe-ddatblygwr

Mae Prifysgol Caerdydd yn chwilio am Ddatblygwr Gwe brwdfrydig i ymuno â'r Tîm Datblygu Gwe a Symudol. Bydd y rôl hon yn canolbwyntio ar ddarparu atebion technegol a ddiffinnir gan y Brifysgol a fydd yn helpu i ddatblygu a gwella profiad digidol Myfyrwyr a Staff. Byddwch yn rhan o dîm sefydledig o ddatblygwyr. Bydd deiliaid y rôl yn cymryd cyfrifoldeb am ddylunio, datblygu, integreiddio, profi a dogfennu nifer o raglenni gwe pwrpasol. Rydym yn chwilio am ddatblygwr sy'n gyfforddus yn ysgrifennu cymwysiadau gwe a symudol gyda phrofiad o ddefnyddio APIs i ddefnyddio data a chysylltu systemau â'i gilydd. Rydym yn defnyddio PHP a JavaScript yn bennaf ar gyfer datblygiad pen blaen, ond byddwch yn ymuno â thîm amrywiol sy'n defnyddio amrywiaeth o ieithoedd i ddatblygu a chefnogi cymwysiadau gwe ar gyfer myfyrwyr a staff. Rydym yn gweithio mewn ffordd hyblyg ac yn disgwyl gwybodaeth am arferion da safonol, rheoli fersiynau, dogfennaeth a datblygu ar sail profion.
Swydd llawn amser a phenagored yw hon

Rydym yn chwilio am ddatblygwr stac cyflawn i ddefnyddio ystod o dechnolegau gan gynnwys React Native, Go a PHP. Bydd y rôl yn eich galluogi i gael mewnbwn ar benderfyniadau technegol a dylunio ac yn gofyn i chi ryngweithio'n uniongyrchol â'n rhanddeiliaid. Rydym yn caniatáu i chi fynd ati i lunio'r cynhyrchion rydym yn eu datblygu a gweld y manteision i chi'ch hun.

Mae'r tîm yn gweithio mewn ffordd hyblyg gan ddefnyddio JIRA ar gyfer rheoli prosiectau, Docker ar gyfer datblygu lleol, piblinellau CI/CD gyda'r holl newidiadau côd yn cael eu hadolygu gan gymheiriaid. Er bod y tîm yn gweithio o bell yn bennaf, mae'r tîm yn cymryd rhan mewn cyfarfodydd sefyll dyddiol gyda diwrnodau rheolaidd ar y safle.   

Mae'r swydd hon yn un amser llawn a phenagored.

Cyflog: £33,951 - £36,636 y flwyddyn (Gradd 5) 

I gael rhagor o wybodaeth, ewch i:

Dyddiad hysbysebu: Dydd Iau, 11 Rhagyfr 2025

Dyddiad cau: Dydd Sul, 4 Ionawr 2026

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a sicrhau amgylchedd gwaith cynhwysol. Rydym yn credu y gallwn wneud hyn drwy ddenu, datblygu a chadw ystod amrywiol o weithwyr o lawer o wahanol gefndiroedd sydd â'r uchelgais i greu prifysgol sy'n ceisio cyflawni ei rhwymedigaeth gymdeithasol, ddiwylliannol ac economaidd i Gaerdydd, Cymru, a'r byd.  Er mwyn helpu ein gweithwyr i gynnal cydbwysedd rhwng eu gwaith a'u bywyd personol, byddwn hefyd yn ystyried cynigion i weithio'n hyblyg neu rannu swydd.
Prif Swyddogaeth 

Mae'r swydd yn rhan o wasanaeth TG y Brifysgol. Bydd deiliad y swydd yn gweithio'n rhan o dîm cyflwyno gwasanaethau proffesiynol sy'n ymroi i gyflwyno gwasanaeth effeithlon, effeithiol, ystyriol o gwsmeriaid ac o ansawdd uchel ar gyfer holl staff a myfyrwyr y Brifysgol.
Bydd rhaid gwneud y canlynol: 
· Cyfrannu at arbenigedd y sefydliad, gan fod yn gyfrifol am ddatblygu a chynnal systemau technegol. 
· Cyfrannu at ddatblygu, cefnogi a chynnal cymwysiadau gwe a ffonau symudol pwrpasol y Brifysgol. 
· Bod yn gyfrifol am fanylu a dylunio gwelliannau i'r wefan, gan ddefnyddio crebwyll i awgrymu'r ffordd fwyaf priodol o weithredu lle bo angen. 
· Cytuno ar safonau, dulliau ac offer dylunio priodol mewn ymgynghoriad â rheolwyr llinell. · Sicrhau bod yr holl waith yn cael ei ddogfennu gan ddefnyddio'r safonau, dulliau ac offer priodol, gan gynnwys offer prototeipio (prototyping) lle bo'n briodol. 
· Cadw'n ymwybodol o'r farchnad, asesu pecynnau meddalwedd ar sail eu gallu i fodloni gofynion penodol naill ai'n rhannol neu'n gyfan gwbl, a rhoi gwybod i gydweithwyr a rheolwyr am eu haddasrwydd technegol. 
· Cysylltu â chydweithwyr lle bo'n briodol ar ddadansoddiadau cost a budd, dadansoddiadau risg a chynlluniau datblygu. · Cysylltu â chyflenwyr allanol a chyfrannu at asesu a dewis pecynnau meddalwedd addas i fodloni'r cyfan neu rannau o ofynion penodol. 
· Cadw'n ymwybodol o ofynion gweithredu, yn enwedig o ran lefelau'r gwasanaeth, argaeledd, amserau ymateb, diogelwch ac amserau atgyweirio.
 · Rhoi cyngor ynglŷn â phob agwedd ar ddylunio a thechnoleg o fewn eich cylch gwaith. 
· Gwneud yn siŵr bod pob tasg a gweithdrefn yn cael ei gwblhau'n effeithiol ac yn effeithlon yn unol â lefelau gwasanaeth y cytunir arnynt. 
· Derbyn, cofnodi a blaenoriaethu gofynion am gymorth yn unol â meini prawf y cytunir arnynt, ac anghenion y sefydliad, gan uwch-gyfeirio gofynion at staff datblygu neu gyflenwyr lle bo'n briodol. 
· Sicrhau bod problemau yn cael eu hymdrin yn unol â safonau a phrosesau y cytunir arnynt ac yn cydymffurfio â gweithdrefnau uwchgyfeirio. 
· Gweithio o fewn timau matrics o staff ar draws y sefydliad er mwyn cyflwyno datrysiadau technoleg arbennig i'r Brifysgol. Rhoi cyngor ac arweiniad lle bo angen. 
· Cymryd rhan mewn unrhyw brosiectau fel bo'n briodol. 
· Meithrin perthnasoedd gyda chysylltiadau allweddol i wneud yn siŵr bod amcanion y swydd yn cael eu bodloni, gan ddatblygu cysylltiadau cyfathrebu addas gyda rhanddeiliaid mewnol ac allanol yn ôl yr angen.
 · Cadw at bolisïau'r Brifysgol mewn perthynas ag Iechyd a Diogelwch a Chydraddoldeb ac Amrywiaeth.
 · Cyflawni dyletswyddau eraill o bryd i'w gilydd nad ydynt wedi'u cynnwys uchod, ond sy'n cyd-fynd â'r rôl. 

Cwblhau tasgau fyddai'n gysylltiedig â chydweithwyr iau fel arfer, er mwyn bodloni gofynion gweithredu. 

Ymgymryd â dyletswyddau sy'n gysylltiedig â rôl uwch er mwyn datblygu. 

Technolegau Cyfredol: CakePHP, JavaScript, Expo, React, Go, WordPress

Meini Prawf Hanfodol

Gwybodaeth, Sgiliau a Phrofiad
1. Profiad amlwg o ysgrifennu côd cynaliadwy o ansawdd da ar gyfer rhaglenni gwe ar raddfa fawr cymwysiadau
2. Profiad o gylch oes llawn datblygu meddalwedd, gan gynnwys hanesion defnyddwyr a datblygu ar sail profi, methodolegau cyflwyno hyblyg neu iteraidd
3. Gwybodaeth a phrofiad gan ddefnyddio dau neu ragor o'r ieithoedd/fframweithiau/technegau canlynol neu debyg;

• HTML 5, JavaScript, React, PHP, CSS, Git a defnyddio APIs.

4. Profiad amlwg o ddefnyddio setiau offer ar gyfer tasgau monitro, archwilio ac adrodd cefnogi perfformiad.
5. Sgiliau rheoli perthynas rhagorol a phrofedig gyda phrofiad o reoli'r gofynion rhanddeiliaid

Gwasanaeth Cwsmeriaid, Cyfathrebu a Gweithio mewn Tîm
6. Y gallu i lywio datblygiadau drwy gymryd rhan weithredol mewn timau a grwpiau.
7. Sgiliau trefnu a chyfathrebu a sgiliau rhyngbersonol rhagorol Y gallu i gofnodi atebion cymhleth a thechnegol ar ffurf fframwaith rhesymegol a chlir y gall pobl eraill ei ddeall yn hawdd.

Cynllunio, Dadansoddi a Datrys Problemau
8. Y gallu i fod yn hyblyg dan bwysau wrth flaenoriaethu gwaith.
9. Gwybodaeth a phrofiad amlwg o reoli problemau, gwallau a gwybodaeth technegau dadansoddi, datrys a chyflwyno.

Cymwysterau ac Addysg
10. Gradd/NVQ 4 neu brofiad/aelodaeth broffesiynol gyfatebol.

Meini Prawf Dymunol

1. Profiad o ddatblygu mewn dull 'ffôn yn gyntaf'.
2. Dealltwriaeth o reoli gwasanaethau ITIL, neu rywbeth tebyg.
3. Gallu i gyfathrebu yn Gymraeg neu barodrwydd i'w dysgu.

---