Goruchwylydd Gwisgoedd

Cyflwyniad i'r Swydd

Mae angen i chi fod yn Standby Gwisgoedd proffesiynol sydd ag angerdd am ddilyniant a gwaith trefnu. Mae angen i chi fod yn gwisgoedd profiadol sydd ag ystyriaethau cynnil a gwybodaeth am drefnu gwisgoedd i wella cymeriad. Mae angen i chi fod yn barod i fynd â'ch gwybodaeth gyda chi ac i ddatblygu i fod y Goruchwylydd Gwisgoedd nesaf.

Mae BBC Studios yn buddsoddi mewn talent sy'n siarad Cymraeg ar draws nifer o gyfleoedd datblygu ar Pobol y Cwm. Mae'r rolau hyn yn cael eu cynnig gan BBC Studios a Siop Un Stop-One Stop Shop sef Clwstwr Sgiliau'r BFI yng Nghymru.

Mae'r cyfle datblygu hwn ar gyfer ymgeiswyr sydd â 5+ credyd proffesiynol fel Standby neu Gynorthwyydd Gwisgoedd.

Mae'r Goruchwylydd Gwisgoedd yn gyfrifol am drefnu gwisgoedd i'r cast, gan gynnwys darllen sgriptiau a'u dadansoddi ar gyfer gofynion gwisgoedd, a chreu ac altro, prynu a/neu logi gwisgoedd lle bo angen. Mae'n gyfrifol hefyd am sicrhau bod nodiadau dilyniant yn cael eu creu a'u cynnal, gan gynnwys nodiadau am blot y cymeriadau, lluniau o'r gwisgoedd unigol a chyfarwyddiadau ar sut y dylent gael eu gwisgo.

Beth yw prif gyfrifoldebau Goruchwylydd Gwisgoedd?

Mae'r Goruchwylydd Gwisgoedd yn gyfrifol am:

• Darllen sgriptiau a'u dadansoddi ar gyfer gofynion gwisgoedd, penderfynu faint o wisgoedd sydd angen eu creu, eu prynu a/neu eu llogi
• Creu ac altro, prynu a/neu logi gwisgoedd lle bo angen
• Helpu'r Cynllunydd Gwisgoedd i drafod telerau ac amodau gyda chwmnïau llogi, gwerthwyr gwisgoedd a gwneuthurwyr gwisgoedd yn ôl yr angen
• Sicrhau bod nodiadau dilyniant yn cael eu creu a'u cynnal, gan gynnwys nodiadau am blot y cymeriadau, lluniau o'r gwisgoedd unigol a chyfarwyddiadau ar sut y dylent gael eu gwisgo
• Goruchwylio gweddill yr adran, gan gynnwys cyfrifoldebau amserlennu, gan greu diwylliant gwaith positif ac ymdrin ag unrhyw broblemau sy'n codi

Ai chi yw'r ymgeisydd iawn?

I fod yn llwyddiannus yn y cyfle hwn, bydd angen i chi ddangos y meini prawf canlynol:

• Profiad fel Standby neu Gynorthwyydd Gwisgoedd
• Profiad o drafod contractau gyda chyflenwyr trydydd parti
• Profiad o drin a gweithio gyda chleientiaid a/neu fodelau yn sensitif; gan ddeall eu hystyriaethau a chydbwyso hynny â gofynion y briff
• Gwybodaeth eang o brosesau cynhyrchu teledu a disgwyliadau Goruchwylydd Gwisgoedd
• Ymwybyddiaeth o gyllidebau a sut i gyllidebu'n effeithiol
• Ymwybyddiaeth a diddordeb mewn newidiadau proffesiynol, technolegol ac arferion gwaith
• Gwybodaeth ac angerdd am fyd y ddrama yng Nghymru, yn enwedig Pobol y Cwm

Bydd y cyfle datblygu hwn yn digwydd yn Stiwdios Porth y Rhath, felly byddai angen i chi fod ar gael o ddydd Gwener 6ed i ddydd Gwener 13eg Rhagfyr 2024.

Os ydych chi'n credu y byddech chi'n addas ar gyfer y rôl hon, llwythwch eich CV ac atebwch y cwestiwn canlynol:

Gan ddefnyddio eich sgiliau, eich profiad a'ch angerdd am Ddrama, dywedwch wrthym pam y dylech chi fod yr ymgeisydd llwyddiannus ar gyfer rôl y Goruchwylydd Gwisgoedd?