Arweinydd Tim

**Am Y Gwasanaeth**
Mae Rhentu Doeth Cymru yn ei gwneud yn ofynnol i landlordiaid gofrestru a sicrhau trwydded neu gyflogi asiant trwyddedig ar eu rhan i gyflawni tasgau gosod a rheoli eiddo. Mae Cyngor Caerdydd wedi’i ddynodi fel yr awdurdod trwyddedu sengl i weinyddu’r ddeddfwriaeth hon yng Nghymru.

Sefydlwyd y gwasanaeth ym mis Tachwedd 2015. Mae’n defnyddio systemau gwe a ddyluniwyd ar gyfer y cwsmer, technoleg ffôn canolfannau cyswllt, a threfniadau partneriaeth gyda’r 22 awdurdod lleol ledled Cymru.

Mae hwn yn gyfle unigryw i chi fod ar flaen y gad wrth broffesiynoli'r sector rhent preifat yng Nghymru.

**Am Y Swydd**
Rydym yn chwilio am Arweinydd Tîm i gynorthwyo â’r gwaith o reoli Canolfan Gyswllt Rhentu Doeth Cymru a bod yn bersonol gyfrifol am oruchwylio tîm o Swyddogion Trwyddedu sy’n delio ag ymholiadau dros y ffôn, e-bost ac yn y post gan ein defnyddwyr gwasanaeth, a phrosesu ceisiadau am drwyddedau. Bydd yr Arweinydd Tîm yn gyfrifol am arwain a datblygu grŵp mawr o staff a bydd yn gweithio gyda Rheolwr y Ganolfan Gyswllt a’r Arweinydd Grŵp i ddatblygu ffyrdd ymarferol o ddefnyddio technoleg y Ganolfan Gyswllt.

**Beth Rydym Ei Eisiau Gennych**
Bydd gan yr ymgeisydd llwyddiannus brofiad o weithio mewn amgylchedd sy’n canolbwyntio ar gwsmeriaid, bydd ganddo sgiliau cyfathrebu a gwasanaeth cwsmeriaid rhagorol a bydd yn frwd ac yn gyfrifol wrth ei waith.

Bydd ganddo wybodaeth weithiol dda o feddalwedd o fewn amgylchedd MS Windows (neu debyg) a bydd ganddo brofiad hefyd o hyfforddi a goruchwylio a/neu gymhwyster rheoli/goruchwylio a gydnabyddir a phrofiad uniongyrchol o fod mewn rôl rheoli llinell gyntaf (goruchwyliol).

**Gwybodaeth Ychwanegol**

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:
Gwybodaeth bwysig sydd angen ei darllen er mwyn cwblhau eich cais:

- Canllawiau Gwneud Cais
- Gwneud cais am swydd â ni
- Fframwaith Cymhwysedd Ymddygiadol

Gwybodaeth Ychwanegol:

- Siarter y Gweithwyr
- Recriwtio Cyn-droseddwyr
- Nodyn Preifatrwydd

Job Reference: RES00964